Сироҷиддин Икромӣ: Аз 885,5 миллион сомонӣ қарзҳои пешниҳоднамудаи «Амонатбонк» 50 фоиз ба бонувони соҳибкор дода шудаанд
ДУШАНБЕ, 22.07.2022 /АМИТ «Ховар»/. Бонки давлатии амонатгузории Ҷумҳурии Тоҷикистон «Амонатбонк» соли равон аз ҳисоби захираҳои дохилию хориҷӣ ба зиёда аз 28 ҳазор муштарӣ 885,5 миллион сомонӣ маблағҳои қарзӣ пешниҳод намудааст, ки ин омор нисбат ба ҳамин давраи соли гузашта 33,8 фоиз зиёд мебошад. Дар ин бора раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ имрӯз дар Душанбе зимни нишасти матбуотӣ иттилоъ дод.
Сироҷиддин Икромӣ афзуд, ки дар ин давра қарзҳои пешниҳоднамудаи «Амонатбонк» ба соҳаҳои саноат 14,7 фоиз, кишоварзӣ 21,5 фоиз, истеъмолӣ 19,8 фоиз, сохтмон 1,4 фоиз, тиҷорат 40,1 фоиз, нақлиёт 0,4 фоиз ва ба соҳаҳои хизматрасонӣ, аз ҷумла, сайёҳӣ, тандурустӣ ва хӯроки умумӣ 1,7 фоиз рост меоянд. 70 фоизи қарзҳои додашуда ба муштариён бо сомонӣ пешниҳод гардидаанд. Инчунин «Амонатбонк» дар доираи эълон гардидани Панҷсолаи рушди саноат дар кишвар қарзҳои пешниҳодшударо барои рушди ин соҳа ду банди фоизӣ паст намуд.
Зикр шуд, ки аз ҳаҷми умумии қарзҳои дар ин давра ба муштариён пешниҳодшуда, яъне аз 885,5 миллион сомонӣ 50 фоиз ё худ беш аз 442 миллион сомонии он ба занони соҳибкор дода шудааст. Аз ин бармеояд, ки занони ҷумҳурӣ ба соҳибкорӣ бештар машғул ва муваффақанд.
Мавриди зикр аст, ки сандуқи қарзии «Амонатбонк» беш аз 1,6 миллиард сомонӣ (бо назардошти қарзҳои ғайринизомӣ) ва шумораи қарзгирон аз рӯи бақия зиёда аз 58 ҳазор нафарро ташкил медиҳад. Тибқи ин омор, ҳаҷми сандуқи қарзӣ 38 фоиз ва шумораи қарздорон 23 фоиз нисбат ба ҳамин давраи соли 2021 афзудааст.
Сироҷиддин Икромӣ зимни натиҷагирӣ аз фаъолияти Бонки давлатии амонатгузории Ҷумҳурии Тоҷикистон «Амонатбонк» дар шашмоҳаи аввали соли равон ба намояндагони расонаҳои хабарӣ гуфт, ки «дар ин давра «Амонатбонк» ба зиёда аз 23 ҳазор корхонаю ташкилот, беш аз 783 ҳазор нафар нафақагирони мақомоти ҳифзи ҳуқуқ ва ҳифзи иҷтимоии аҳолӣ, зиёда аз 1,7 миллион нафар амонатгузорон тавассути 75 филиал ва 547 маркази хизматрасонии бонкӣ бо теъдоди қариб се ҳазор нафар кормандон дар саросари кишвар хизмат расонидааст».
Марзия САИДЗОДА,
АМИТ «Ховар»
АКС: АМИТ «Ховар»
Дар павилиони миллии Тоҷикистон дар СОР 28 дар мавзуи «Шаҳри сабз» ҳамоиш баргузор гардид
СТРАТЕГИЯИ ДАВЛАТИИ МУҚОВИМАТ БА КОРРУПСИЯ ДАР ҶУМҲУРИИ ТОҶИКИСТОН БАРОИ ДАВРАИ ТО СОЛИ 2030». Дар Бонки миллӣ амалишавии онро баррасӣ намуданд
Дар Душанбе масъалаи содироти маҳсулоти аз ҷиҳати экологӣ тозаи Тоҷикистон ба Олмон баррасӣ шуд
ҚУРБИ АСЪОР: дар Тоҷикистон 1 рубли русӣ аз 0.1182 то 0.1195 сомонӣ муқаррар шудааст
Доир ба афзалияти рушди бахши молиявӣ дар давраи гузариш ба иқтисоди рақамӣ конференсияи байналмилалӣ доир шуд
Давлатҳои Осиёи Марказӣ механизми стратегияи ягонаи амалро дар музокирот оид ба тағйирёбии иқлим таҳия менамоянд
Дар Донишгоҳи байналмилалии сайёҳӣ ва соҳибкории Тоҷикистон конфронси байналмилалӣ доир шуд
Дар Москва дурнамои ҳамкорӣ байни Тоҷикистон ва Русия мавриди баррасӣ қарор дода шуд
Дар Душанбе татбиқи Барномаи кумаки техникии БАТР дар доираи Ёддошти тафоҳум оид ба танзими хавфҳои экологӣ оғоз ёфт
ИМРӮЗ-РӮЗИ КОРМАНДОНИ МАҚОМОТИ МОЛИЯ. Саҳми Президенти Тоҷикистон дар ташаккули низоми устувори молиявӣ дар мамлакат назаррас аст
ҚУРБИ АСЪОР: дар Тоҷикистон 1 евро аз 11.8266 то 11.9300 сомонӣ муқаррар шудааст
Тоҷикистон Нақшаи маблағгузории Cаҳми дар сатҳи миллӣ муайяншудаи иқлимиро дар Павилиони миллӣ дар Дубай муаррифӣ намуд
