Тоҷикистон ва Корея лоиҳаи навро бар зидди биёбоншавии ҷангалҳо ба роҳ мемонанд
ДУШАНБЕ, 28.07.2022. /АМИТ «Ховар»/. Агентии хоҷагии ҷангали назди Ҳукумати Ҷумҳурии Тоҷикистон дар ҳамкорӣ бо Хадамоти ҷангали Ҷумҳурии Корея лоиҳаи нави «Баланд бардоштани иқтисодиёти ҷангал ва фермерӣ бо роҳи ташкил кардани плантатсияҳои саноатии хуч, писта ва ҷангалҳо алайҳи биёбоншавӣ дар Тоҷикистон»-ро ба роҳ мемонад. Лоиҳаи мазкур айни замон дар баррасии Хадамоти ҷангали Ҷумҳурии Корея қарор дорад.
Директори Агентии хоҷагии ҷангали назди Ҳукумати Ҷумҳурии Тоҷикистон Абдуҷаббор Юсуфзода дирӯз зимни нишасти матбуотии агентии мазкур иттилоъ дод, ки муҳлати амалишавии ин лоиҳа аз моҳи августи соли 2023 то декабри соли 2027-ро дар бар гирифта, маблағи умумии пешбинишуда 4 миллион доллари ИМА-ро ташкил медиҳад.
Гуфта шуд, ки дар шаш моҳи соли равон дар ташкилоту муассисаҳои зертобеи агентӣ корҳои бунёду барқарорсозии ҷангалзор дар майдони 1739,9 гектар иҷро гардидаанд, ки аз он бунёди ҷангал дар майдони 584,8 гектар ва барқароркунии он дар майдони 1155,1 гектарро ташкил медиҳад.
«Дар ин давра ба миқдори умумии 52 ҳазору 839 бех ниҳолҳои дарахту буттаҳои ҳамешасабз, ороишӣ ва мевадиҳанда, аз қабили санавбар, туя айлант, акатсия, қарағоч, дроки испанӣ, бодоми талхдона, хуч, шулаш, олучаи кӯҳӣ ва дигар намуди ниҳолҳои ба иқлими маҳал мутобиқ шинонида шуда, корҳои нарм кардани бехи ниҳолҳо бо мақсади нигоҳ доштани намӣ ва қисман обмонӣ ба роҳ монда шуда истодаанд»,- илова намуд Абдуҷаббор Юсуфзода.
Зарангези ЛАТИФ,
АМИТ «Ховар»
АКС: АМИТ «Ховар»
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
