Дар маҳали сохтмони НБО «Себзор»-и ноҳияи Роштқалъа 17 манзили истиқоматӣ бунёд гардид
ХОРУҒ, 13.08.2022 /АМИТ «Ховар»/. Дар доираи амалӣ намудани ҳадафҳои созандаи Ҳукумати Ҷумҳурии Тоҷикистон дар самти расидан ба истиқлолияти комили энергетикии мамлакат дар ноҳияи Роштқалъаи Вилояти Мухтори Кӯҳистони Бадахшон бунёди Неругоҳи барқи обии «Себзор» идома дорад. Ҳоло 90 фоизи корҳои заминӣ дар неругоҳи мазкур ба поён расидаанд, хабар медиҳад мухбири минтақавии АМИТ «Ховар» Файз МИРАСАН.
Ҳамзамон барои 17 хонаводаи ин деҳа, ки манзилҳояшон дар ҳудуди сохтмон ҷойгир буданд, хонаҳои наву замонавӣ бунёд гардиданд. Мутобиқи нақша, муассисаи таълимии деҳа низ ба макони дигар кӯчонида ва рӯзҳои наздик хишти аввали он гузошта мешавад. Дар канори ин муассисаи таълимӣ майдончаи муосири варзишӣ ва кӯдакистон ба маблағи 8 миллион сомонӣ сохта мешавад.
Бунёди Неругоҳи барқи обӣ дар деҳаи Себзор бо супориши бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба роҳ монда шуда, он бевосита ба беҳтар намудани сифати зиндагии сокинони вилоят ва бо ҷои нави кор таъмин намудани сокинони деҳот нигаронида шудааст.
Лоиҳаи мазкур аз тарафи Ҷумҳурии Тоҷикистон ва ширкати «Помирэнерҷӣ» бо дастгирии молиявӣ-техникии Иттиҳоди давлатҳои Аврупо, ҳукумати Олмон тавассути Бонки Олмонии рушд, Агентии Иёлоти Муттаҳидаи Амрико оид ба рушди байналмилалӣ, котиботи Швейтсария оид ба масъалаҳои иқтисодӣ ва Бонки ҷаҳонӣ амалӣ мегардад.
Дар айни ҳол дар мавзеи бунёди иншооти асосӣ ва таҳкурсии стансияи 110-киловатта корҳои сохтмонӣ ҷараён дошта, то фарорасии фасли сармо ба анҷом мерасанд.
АКС: АМИТ «Ховар»
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
