Дар Раёсати Қувваҳои ҳарбӣ-ҳавоии Вазорати мудофиа масъалаи роҳ надодан ба исрофкорӣ ва амалҳои коррупсионӣ баррасӣ шуд
ДУШАНБЕ, 13.08.2022 /АМИТ «Ховар»/. Дар Раёсати Қувваҳои ҳарбӣ-ҳавоӣ ва мудофиаи зиддиҳавоии Вазорати мудофиаи ҷумҳурӣ ҷамъомади методӣ-таълимӣ баргузор гардид, ки иштирокчиёни он оид ба пурзӯр намудани назорат аз болои хароҷоти маблағҳои буҷетӣ, роҳ надодан ба исрофкорӣ ва дигар амалҳои дорои хусусияти коррупсионӣ бо супоришҳои мушаххас вазифадор гардиданд.
Тавре ба АМИТ «Ховар» дар Вазорати мудофиаи кишвар хабар доданд, ҷамъомади методӣ-таълимӣ бо иштироки сардорони шуъба ва хадамоти молияи раёсатҳои Қувваҳои Мусаллаҳ, комиссариатҳои ҳарбӣ, қисмҳои ҳарбӣ, муассисаҳои тиббии ҳарбӣ ва дигар ҷузъу том доир гардид.
Ҷамъомади методӣ- таълимӣ аз ҷониби афсарони масъули Раёсати молия ва буҷети ин ниҳоди қудратӣ ҷараён гирифта, зимни он мавзӯъҳои ба нақшагирифташуда оид ба талаботи Кодекси андози Ҷумҳурии Тоҷикистон дар таҳрири нав, натиҷагирӣ аз санҷишҳои фаъолияти молиявӣ-хоҷагидорӣ дар ҷузъу томи вазорат, таъйинот ва тартиби таҳияи ҳуҷҷатҳо барои пешниҳоди ҳисоботи молиявӣ ва дигар мавзӯоти марбут ба соҳаи молия мавриди омӯзиш қарор гирифтанд.
Ҳамзамон дар ин чорабинии омӯзишӣ талаботи бандҳои алоҳидаи қонунҳои амалкунанда, аз қабили Қонун «Дар бораи баҳисобгирии муҳосибӣ ва ҳисоботи молиявӣ, «Кодекси андози Ҷумҳурии Тоҷикистон» дар таҳрири нав, Қонун «Дар бораи вазъи ҳуқуқии хизматчиёни ҳарбӣ», Низомномаи таъминоти пулии хизматчиёни ҳарбӣ ва дигар санадҳои меъёрию ҳуқуқӣ дар соҳаи молия муҳокима гардида, вобаста ба иҷрои он ва корбарӣ дар соҳаи ҳуҷҷатҳои молиявӣ роҳу усулҳои нав пешниҳод гардиданд.
АКС: Вазорати мудофиаи ҶТ
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
