Директори ММТ Сабзалӣ Ҷаъфарзода: Имсол дар Тоҷикистон ба низоми имтиҳонҳои марказонидашудаи дохилшавӣ 6 муассисаи дигар ҳамроҳ шуданд
ДУШАНБЕ, 04.08.2022 /АМИТ «Ховар»/. Имсол 6 муассисаи таълимии таҳсилоти миёна ва олии касбӣ ба низоми имтиҳонҳои марказонидашудаи дохилшавӣ (ИМД) зам гардид, ки аз он 3 адад муассисаи таълимии таҳсилоти олии касбӣ ва 3 адад муассисаи таълимии таҳсилоти миёнаи касбӣ мебошад, иттилоъ дод имрӯз зимни нишасти матбуотӣ Директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода.
«Имсол ба низоми ИМД муассисаи таълимии ғайридавлатии «Донишкадаи илмҳои дақиқ ва технологияи Тоҷикистон», филиали Донишгоҳи байналмилалии сайёҳӣ ва соҳибкории Тоҷикистон дар шаҳри Хуҷанд, филиали Донишгоҳи байналмилалии сайёҳӣ ва соҳибкории Тоҷикистон дар шаҳри Левакант, Коллеҷи сайёҳӣ ва хидмат дар шаҳри Ваҳдат (хусусӣ), Коллеҷи тиббии ноҳияи Восеъ (ғайридавлатӣ) ва Коллеҷи тиббии Донишгоҳи давлатии тиббии Хатлон дар деҳаи Кангурти ноҳияи Темурмалик, ки муассисаҳои навтаъсисанд, дохил гардиданд»,- гуфт мавсуф.
Ҳамчунин зикр шуд, ки шумораи умумии муассисаҳои таълимии таҳсилоти миёна ва олии касбие, ки соли равон қабули донишҷӯён ба онҳо ба воситаи низоми ИМД ба роҳ монда шуд, ба 109 адад расид. Аз он 39 адад муассисаи таълимии таҳсилоти олии касбӣ ва 70 адад муассисаи таълимии таҳсилоти миёнаи касбӣ мебошад.
Ба иттилои Сабзалӣ Ҷаъфарзода, соли равон барои қабули донишҷӯён ба муассисаҳои таълимии таҳсилоти олии касбӣ тавассути ИМД тибқи нақшаи қабули донишҷӯён 62 288 ҷой ҷудо гардида буд, ки нисбат ба ҳамин нишондиҳандаи соли 2021 6465, яъне 11,58 фоиз зиёд аст. Аз шумораи ҷойҳои ба донишгоҳу донишкадаҳо ҷудогардида 11 048 ҷой барои таҳсили ройгон ва 51 240 ҷой барои таҳсили пулакист.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Аҳлиддин Ибодуллозода: «Тарбияи насли нави ваҳдатофару ваҳдатсаро аз омӯзгорон – меъморони руҳи инсон вобаста аст»
«БЕҲТАРИН ОМӮЗГОР». Фотима Сайдализода дар Озмуни байналмилалии таҳқиқотӣ сазовори дипломи дараҷаи I гардид
Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
