ФУТБОЛ. Пагоҳ бозиҳои даври сенздаҳуми Чемпионати Тоҷикистон миёни дастаҳои Лигаи олӣ оғоз мешаванд
ДУШАНБЕ, 19.08.2022 /АМИТ «Ховар»/. 20-21 август бозиҳои даври сенздаҳуми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат баргузор мегарданд. Дар даври 13-ум дастаҳои футболи КМВА-и шаҳри Душанбе бо «Истаравшан»-и шаҳри Истравшан, «Равшан»-и ноҳияи Зафаробод бо «Эсхата»-и шаҳри Хуҷанд, «Регар-ТадАЗ»-и шаҳри Турсунзода бо «Файзканд»-и ноҳияи Восеъ, «Равшан» -и шаҳри Кӯлоб бо «Хуҷанд»-и шаҳри Хуҷанд ва «Истиқлол»-и шаҳри Душанбе бо «Хатлон»-и шаҳри Бохтар вомехӯранд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Ҳафтаи гузашта пас аз танаффуси якмоҳа бозиҳои даври дувоздаҳуми Чемпионати Тоҷикистон оид ба футбол миёни дастаҳои Лигаи олӣ хеле ҷолиб баргузор шуданд. Бозии аввали давр миёни дастаҳои футболи «Хуҷанд»-и шаҳри Хуҷанд бо «Истиқлол»-и шаҳри Душанбе доир гардид. Дар ин дидори ҷолиб дастаи футболи «Истиқлол»-и шаҳри Душанбе бо ҳисоби 2:1 ғалаба кард.
12 август 2 бозӣ сурат гирифт. Дастаи футболи «Истаравшан»-и шаҳри Истравшан дар майдони худ бар дастаи футболи «Равшан»-и шаҳри Кӯлоб бо ҳисоби 3:0, дастаи «Файзканд»-и ноҳияи Восеъ бар дастаи футболи «Равшан»-и ноҳияи Зафаробод бо ҳисоби 2:1 пирӯз шуданд. 13 август дастаи футболи «Эсхата»-и шаҳри Хуҷанд дастаи КМВА-и шаҳри Душанберо бо ҳисоби 3:2 ва 14 август дастаи футболи «Регар-ТадАЗ»-и шаҳри Турсунзода дар сафар дастаи футболи «Хатлон»-и шаҳри Бохтарро бо ҳисоби 1:0 шикаст доданд.
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Хатлон» (Бохтар) | 10 | 5 | 4 | 1 | 10-5 | 19 |
| 2 | «Равшан» (Кӯлоб) | 11 | 5 | 4 | 2 | 12-9 | 19 |
| 3 | «Файзканд» (Восеъ) | 11 | 5 | 3 | 3 | 14-16 | 18 |
| 4 | «Истиқлол» (Душанбе) | 7 | 5 | 2 | 0 | 21-5 | 17 |
| 5 | «Истаравшан» (Истаравшан) | 11 | 4 | 1 | 6 | 15-9 | 13 |
| 6 | КМВА (Душанбе) | 9 | 4 | 1 | 4 | 14-15 | 13 |
| 7 | «Хуҷанд» (Хуҷанд) | 10 | 3 | 4 | 3 | 8-6 | 13 |
| 8 | «Эсхата» (Хуҷанд) | 11 | 3 | 2 | 6 | 16-22 | 11 |
| 9 | «Регар-ТадАЗ» (Турсунзода) | 10 | 3 | 1 | 6 | 10-14 | 10 |
| 10 | «Равшан» (Зафаробад) | 12 | 1 | 4 | 7 | 9-28 | 7 |
Рӯйхати беҳтарин нишонзанҳо: Дилшод Бозоров («Эсхата») – 9 гол, Манучеҳр Ҷалилов, Шервонӣ Мабатшоев (ҳама аз – «Истиқлол») – 5- голӣ, Фатҳулло Фатҳуллоев («Регар-ТадАЗ»), Шарафҷон Солеҳов аз дастаи КМВА-и шаҳри Душанбе, Мбеке Сиябатчу Деудони («Истаравшан») – 5- голӣ.
АКС: Федератсияи футболи Тоҷикистон
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
Дастаи миллии занонаи Тоҷикистон оид ба футбол дар Душанбе ба машқҳои дастҷамъона фаро гирифта шуд
Дастаи мунтахаби наврасони Тоҷикистон (U-17) дар Ҷопон дар мусобиқаи байналмилалӣ иштирок кард
Дастаи мунтахаби наврасони Тоҷикистон (U-16) оид ба футбол дар «Ҷоми рушд-2026» ҷойи панҷумро соҳиб гардид
Дастаҳои футболи Тоҷикистон бо дастурҳои навшудаи доварон барои мавсими 2026 шинос шуданд
Дар Душанбе оид ба ҳуқуқҳои байналмилалии футбол ва идоракунии бошгоҳҳо машғулият баргузор гардид
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
Ҷоизаи Президенти Ҷумҳурии Тоҷикистон дар ҳаҷми зиёда аз 2 миллион сомонӣ ба варзишгарони муваффақ тақдим гардид
АРТИШИ МИЛЛӢ — КАФИЛИ ИСТИҚЛОЛИ ДАВЛАТӢ. Дар Донишкадаи тарбияи ҷисмонӣ Рӯзи таъсиси Қувваҳои Мусаллаҳи Тоҷикистонро таҷлил намуданд
Дар Душанбе маросими ҷоизасупорӣ дар соҳаи тарбияи ҷисмонӣ ва варзиш баргузор мегардад
