Муовини Сарвазири Тоҷикистон Сулаймон Зиёзода бо вазъи истифодаи замин дар минтақаи Рашт шинос гардид

Август 11, 2022 16:51

ДУШАНБЕ, 11.08.2022 /АМИТ «Ховар»/. Муовини Сарвазири Ҷумҳурии Тоҷикистон Сулаймон Зиёзода бо Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода ва муовини Вазири кишоварзии Ҷумҳурии Тоҷикистон Ҷаббор Носирзода аз 9 то 11 август бо ҷараёни корҳои саҳроӣ, парвариши картошка ва дигар маҳсулоти кишоварзӣ дар ноҳияҳои Лахш, Тоҷикобод, Рашт ва Нуробод аз наздик шинос шуда, бо роҳбарияти ноҳия ва кишоварзон суҳбату мулоқот анҷом доданд. Дар ин бора ба АМИТ «Ховар» дар Кумитаи давлатии идораи замин ва геодезӣ хабар доданд.

Зимни боздид аз ноҳияҳои зикршуда иттилоъ дода шуд, ки сокинони минтақаи Рашт асосан ба картошкапарварӣ машғул буда, соли равон низ кишоварзон навъҳои серҳосили картошкаро парвариш намуда истодаанд.

Муовини Сарвазири мамлакат ҳангоми боздид аз майдонҳои кишти зироати кишоварзӣ роҳбарияти ноҳияро даъват намуданд, ки барои амалӣ намудани тадбирҳои зарурӣ ҷиҳати баланд намудани ҳосилнокии маҳсулоти кишоварзӣ, самараноку оқилона истифода намудани ҳар қитъа замин, иҷрои ҳатмии дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ки 18 июни соли равон зимни мулоқот бо роҳбарону фаъолони вилояти Хатлон баён намуда буданд, захираи дусолаи маводи ғизоӣ, омодагӣ ба давраи тирамоҳу зимистони солҳои 2022-2023, махсусан захираи хӯроки чорво ва таҷлили ҷашни солгарди навбатии Истиқлолияти давлатӣ корбариро боз ҳам ҷоннок намоянд.

АКС: Кумитаи давлатии идораи замин ва геодезии ҶТ

Август 11, 2022 16:51

Хабарҳои дигари ин бахш

Дар Кумитаи рушди сайёҳӣ ҷиҳати расонидани хизмати сатҳи баланд ба мизоҷон ҳамоиш доир шуд
РАВАНДИ ОБИ ДУШАНБЕ. Конфронси дарпешистодаи СММ оид ба об 2023-раванди такондиҳанда барои рушди устувор
Намояндаи Тоҷикистон дар конфронси байналмилалӣ дар шаҳри Истанбул сухан гуфт
Намояндагони Тоҷикистон бо ҷараёни амалишавии раванди ғанисозии орди гандумӣ дар Узбекистон шинос шуданд
Дар Душанбе созишномаҳо оид ба маблағгузорӣ ба имзо расиданд
Татбиқи Барномаи миёнамуҳлати рушди иқтисоди рақамӣ дар Тоҷикистон баррасӣ шуд
Бонки миллии Тоҷикистон ба оператори низоми пардохтии «Вестерн Юнион Нетворк» иҷозатномаи фаъолият дод
Тоҷикистон номзадии Арабистони Саудиро барои мизбонии «Экспо -2030» ҷонибдорӣ менамояд
Вазорати нақлиёти Тоҷикистон доир ба тағйирёбии ҳамлу нақли бор тавассути гузаргоҳҳои сарҳадии Туркманистон хабар додааст
ОМОДАГӢ БА ЗИМИСТОН. Дар анбори Агентии захираҳои моддии давлатӣ дар Бадахшон миқдори кофии маҳсулоти мавриди ниёзи аввал захира шудааст
Дар Бадахшон барномаи мусоидат ба шуғли аҳолӣ ва омодагӣ ба ҷашни 35-солагии Истиқлолияти давлатӣ баррасӣ шуд
ЛОИҲАИ БАРҚАРОРКУНИИ ҶАНГАЛ ВА БЕҲТАР КАРДАНИ НЕКУАҲВОЛИИ МАРДУМ. Дар Тоҷикистон маҷмӯаи селексионии киштзори писта ташкил ёфт

Хабарҳои муҳимтарин