«НБО-И «РОҒУН» НАМУНАЕ АЗ ИҚТИСОДИ САБЗИ МИНТАҚА». Доир ба аҳамияти иншооти муҳими аср китоб ба нашр расид

Август 7, 2022 10:52

ДУШАНБЕ, 07.08.2022 /АМИТ «Ховар»/. «Муаммоҳои бунёдии НБО-и «Роғун» бо диди сиёсати экологӣ арзёбӣ гардидаанд», — омадааст дар оғози китоби тозанашри коршиноси масоили экологӣ Ҳасан Асоев, ки таҳти унвони «НБО – и «Роғун» намунае аз иқтисоди сабзи минтақа» чанде қабл аз ҷониби матбааи «Дониш» ба нашр расид.

«НБО – и «Роғун» намунае аз иқтисоди сабзи минтақа» ҷилди 3-юми силсилакитобҳои муҳаққиқ Ҳасан Асоев доир ба масъалаи «Роғун» буда, ба умдатарин масъалаҳои Неругоҳи барқи обии «Роғун» бахшида шудааст. Дар китоби мазкур дар шаш фасл ҷанбаҳои гуногуни НБО – и «Роғун» дар сатҳи минтақа муаррифӣ гардида, ба кормандони илм, мутахассисон, аспирантон ва ҳамаи алоқамандони соҳа тавсия дода шудааст.

Монографияи навбатии муҳаққиқ Ҳасан Асоева паҳлӯҳои гуногуни ифодагари аҳамияти минтақавии НБО-и «Роғун», ба монанди «Сиёсати гидроэнергетикии Тоҷикистон ва муаммоҳои амалигардонии он», «Чаро НБО-и «Роғун» маҳз дар ҳамин мавзеъ сохта мешавад?», «Сарбанди неругоҳи «Роғун» ва баҳсу андешаҳо дар атрофи он», «Муҳити экологии НБО-и «Роғун»», «Сиёсати экологӣ ва муаммоҳои сейсмологии НБО-и «Роғун»», «Парваришгоҳи гидрологии «Роғун»», «Туризми Роғун», «НБО-и «Роғун» ва худшиносии миллӣ» ва ғайраҳоро пайгирӣ намуда, дар он маълумоти ҷолибу хонданӣ доир ба неругоҳи мазкур гирдоварӣ шудааст.


Қобили зикр аст, ки коршиноси масоили экологӣ Ҳасан Асоев ба масъалаи НБО – и «Роғун» таваҷҷуҳи хос зоҳир намуда, аҳамияти ин иншооти муҳими асрро дар ду ҷилди китобҳои қаблан нашрнамудааш таҳти унвонҳои «Роғун – машъалафрӯзи минтақа (ҷилди 1), соли 2018» ва «НБО – и «Роғун» — кафолати рушди устувори минтақа (ҷилди 2), соли 2019» пурра ба риштаи таҳлил кашида, муҳимияти неругоҳро илман исбот намудааст.

Дар монографияҳои мазкур, аз ҷумла мавзӯъҳои «Роғун: меҳвари гуфтугӯҳо», «Тарҳи НБО – и «Роғун» аз нигоҳи коршиносон», «Мавқеи географии мавзеи Роғун ва хусусиятҳои табиии он», «Нақши НБО – и «Роғун» дар рушди иқтисодиёти ҷумҳурӣ», «НБО – и «Роғун» ва муаммоҳои Баҳри Арал» ва ғайраҳо пажӯҳиш шуда, муҳаққиқ хулосаи худро нисбат ба мавзӯи баррасишаванда холисона изҳор доштааст.

Манижа БАҲРОМЗОДА,
АМИТ «Ховар»

АКС: АМИТ «Ховар»

Август 7, 2022 10:52

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид