ОБХЕЗИИ ХАРОБИОВАР ДАР ЭРОН. Президенти Тоҷикистон ба Президенти Эрон барқияи изҳори тасаллӣ ирсол намуданд
ДУШАНБЕ, 04.08.2022 /АМИТ «Ховар»/. Дар натиҷаи бориши зиёд дар Эрон 90 нафар ҷон бохтанд. Тавре АМИТ «Ховар» хабар медиҳад, дар ин бора рӯзи чоршанбе, 3 август агентии Tasnim гузориш дод.
Зикр гардид, ки боз 8 каси дигар бе ному нишон гаштаанд. Қаблан аз фавти 69 нафар хабар дода буданд.
Обхезӣ, ки дар натиҷаи бориши зиёд ба амал омадааст, охирҳои моҳи июл аз 31 музофоти Эрон 24-тои онро фаро гирифт.
Иттилоъ дода мешавад, ки тақрибан 60 шаҳр ва 516 деҳот, инчунин 85 роҳ зарар дидаанд. Бештар аз ҳама Бахтиёрия, Исфаҳон, Язд, Луристон, Мозандарон, Теҳрон ва Чаҳормаҳал зарар дидаанд. Ҳоло 1332 нафар ба ҷойҳои бехавф кӯчонида шуда, 5215 каси дигар бо бошишгоҳҳои муваққатӣ таъмин гардидаанд ва сокинони 944 хонаро тахлия намудаанд.
Тавре АМИТ «Ховар» хабар дод, дирӯз, 3 август Президенти Ҷумҳурии Тоҷикистон муҳтарам Эмомалӣ Раҳмон ба Раиси Ҷумҳурии Исломии Эрон Сайид Иброҳим Раисӣ барқияи изҳори тасаллӣ ирсол намуданд, ки дар он омадааст:
«Ҷаноби Олӣ, хабари талафоти ҷонӣ ва хисороти зиёди моддӣ бар асари бориши шадид ва обхезиҳои харобиовар дар як қатор минтақаҳои Ҷумҳурии Исломии Эрон боиси андӯҳи амиқи мо гардид. Бинобар ин мусибати гарон ба Шумо, мардуми дӯсти Эрон ва аҳли пайвандону наздикони қурбониён маротиби ҳамдардӣ ва тасаллиёти ин ҷонибро иброз менамоям».
АКС аз манбаъҳои боз
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
