Раиси Кумитаи давлатии идораи замин ва геодезӣ бо Сафири Қирғизистон дар Тоҷикистон мулоқот намуд
ДУШАНБЕ, 13.08.2022 /АМИТ «Ховар»/. 12 август Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода бо Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон Эрлан Абдилдаев мулоқот намуд, хабар доданд ба АМИТ «Ховар» дар кумитаи мазкур.
Ориф Хоҷазода Эрлан Абдилдаевро ба муносибати ба ҳайси Сафири Қирғизистон дар Тоҷикистон таъйин шуданаш табрик гуфта, изҳори умедворӣ намуд, ки Сафорат барои тақвияти минбаъдаи ҳамкории мутақобилан судманд саҳми бештар хоҳад гузошт.
Дар навбати худ Эрлан Абдилдаев барои табрик изҳои миннатдорӣ намуда, иброз дошт, ки ин аввалин мулоқоти ӯ бо аъзои Ҳукумати Ҷумҳурии Тоҷикистон ба сифати Сафири Фавқулода ва Мухтори Ҷумҳурии Қирғизистон дар Ҷумҳурии Тоҷикистон аст.
Зимни мулоқот ҳамчунин ҳамкории дуҷониба мавриди баррасӣ қарор гирифта, Эрлан Абдилдаев аз фаъолияти гурӯҳҳои топографии Тоҷикистон ва Қирғизистон изҳори қаноатмандӣ намуда, гуфт, ки барои тавсеаи ҳамкорӣ дар ин самти фаъолият омодаанд.
Дар ҷараёни суҳбат ҷонибҳо омодагии худро барои боз ҳам тавқият додани ҳамкорӣ дар доираи гурӯҳҳои топографӣ, инчунин дигар самтҳои ба фаъолияти Кумитаи давлатии идораи замин ва геодезӣ дахлдор изҳор доштанд.
АКС: Кумитаи давлатии идораи замин ва геодезии Ҷумҳурии Тоҷикистон
Раванди татбиқи Консепсияи раёсати Тоҷикистон дар Иттиҳоди Давлатҳои Мустақил баррасӣ шуд
Дурнамои густариши робитаҳо байни Тоҷикистон ва Белгия баррасӣ гардид
Густариши ҳамкории Тоҷикистон ва Беларус дар соҳаи сохтмон ва меъморӣ баррасӣ шуд
Дурнамои рушди муносибатҳои Тоҷикистон ва Эрон баррасӣ шуд
Вазири корҳои хориҷии Ҷумҳурии Исломии Эрон бо сафари расмӣ ба Ҷумҳурии Тоҷикистон ташриф меорад
Густариши ҳамкории Тоҷикистон ва Ангола дар соҳаҳои мухталиф баррасӣ шуд
Густариши ҳамкории Тоҷикистон бо Бонки исломии рушд баррасӣ шуд
Сафари давлатии Президенти Муғулистон дар Ҷумҳурии Тоҷикистон анҷом ёфт
Қатъномаи таърихии Тоҷикистон оид ба зеҳни сунъӣ дар Маҷмаи Умумии СММ қабул гардид
Сарвазири Тоҷикистон Қоҳир Расулзода дар Конфронси байналмилалии экологӣ иштирок намуд
Байни вазоратҳои корҳои хориҷии Тоҷикистону Муғулистон Ёддошти тафоҳум оид ба ҳамкорӣ ба имзо расид
Президенти Муғулистон Ухнаагийн Хурэлсух дар пояи муҷассамаи Исмоили Сомонӣ гулчанбар гузошт
