Раиси Маҷлиси намояндагон Маҳмадтоир Зокирзода бо фаъолони Айнӣ, Кӯҳистони Масчоҳ ва Панҷакент мулоқот намуд
СУҒД, 05.08.2022 /АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода дар мақомоти иҷроияи ҳокимияти давлатии ноҳияи Айнӣ бо фаъолони шаҳри Панҷакент, ноҳияҳои Айнӣ ва Кӯҳистони Масчоҳ мулоқот намуд. Дар ин бора ба хабарнигори минтақавии АМИТ «Ховар» дар дафтари матбуоти Раиси ноҳияи Айнӣ хабар доданд.
Дар ҷамъомад муовини Раиси вилояти Суғд Зоҳид Давронзода, Раиси ноҳияи Айнӣ Муқим Муродзода, муовини Раиси шаҳри Панҷакент, муовини Раиси ноҳияи Кӯҳистони Мастчоҳ, намояндагони сохторҳои қудратӣ, раисони ҷамоатҳои шаҳраку деҳот ва дигар фаъолон аз шаҳру ноҳияҳои мазкур иштирок намуданд.
Ҳадафи мулоқот бо мардум аз расонидани муҳтавои Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» аз 21 декабри соли 2021 ба Маҷлиси Олии Ҷумҳурии Тоҷикистон иборат буд.
Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода доир ба муҳтавои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон зикр кард, ки Паёми навбатӣ ба Маҷлиси Олӣ барои пешрафти давлату миллат саҳми муҳим дорад.
«Паёми Президенти Ҷумҳурии Тоҷикистон ба Маҷлиси Олӣ барои қавӣ гардонидани андешаҳои миллӣ, танзими муносибатҳои ҷамъиятие, ки дар он дарҷ мегарданд, муҳим буда, барои пешрафти илм, фарҳанг, саноат, энергетика, татбиқи ҳуқуқ, ҳуқуқэҷодкунӣ, ихтироъ, илмҳои дақиқ, риёзӣ, гуманитарӣ ва ғайра нақши амалӣ дорад. Бинобар ин мо, шаҳрвандони ҷумҳурӣ бояд дар атрофи Президенти Ҷумҳурии Тоҷикистон муҳтарам Эмомалӣ Раҳмон сарҷамъ бошем ва дар якҷоягӣ барои ободии Ватанамон камари ҳиммат бандем», — иброз намуд мавсуф.
Дар интиҳои мулоқот Раиси ноҳияи Айнӣ Муқим Муродзода гуфт, ки «мардуми сарбаланди водӣ сиёсати оқилонаи Ҳукумати Ҷумҳурии Тоҷикистонро сармашқи кори худ намуда, ҳама дастуру ҳидоят ва супоришҳои Сарвари давлат муҳтарам Эмомалӣ Раҳмонро дар амал татбиқ менамоянд».
АКС: Хадамоти матбуоти Раиси ноҳияи Айнӣ
Мавсума Муинӣ: «Ҳукумати Тоҷикистон баҳри таъмини риояи ҳуқуқҳои конститутсионии занон тадбирҳои муҳим меандешад»
Маҳмадалӣ Ватанзода бо ҳайати вакилони Думаи давлатии Маҷлиси федералии Федератсияи Русия мулоқот намуд
Дар иҷлосияи Маҷлиси намояндагон ба якчанд қонуни Ҷумҳурии Тоҷикистон тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон бо ҳайати парлумони Бундестаг мулоқот доир шуд
Дар ҳошияи Форуми ҷаҳонии муколамаи байнифарҳангӣ дар Боку конфронси байнипарламентӣ доир шуд
Байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «Разес Фарма» созишномаи сармоягузорӣ ба тасвиб расид
«ЗАХИРАҲОИ ОБ ВА УСТУВОРИИ ДЕМОГРАФӢ БА МАНФИАТИ ҶАВОНОН». Дар Душанбе Форуми байналмилалии парламентӣ доир мешавад
Доир ба иҷрои «Барномаи давлатии дарёфт ва рушди истеъдодҳо барои солҳои 2021-2025» ҳамоиш баргузор гардид
Пиряхҳои Тоҷикистон объекти муҳити зист ва манбаъҳои стратегии захираҳои об мебошанд
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
