Рамазон Раҳимзода дар ҷаласаи чоруми вазирони корҳои дохилӣ ва амнияти ҷамъиятии давлатҳои аъзои СҲШ дар Тошканд иштирок намуд

Август 19, 2022 09:35

ДУШАНБЕ, 19.08.2022 /АМИТ «Ховар»/. 18 августи соли 2022 дар шаҳри Тошканди Ҷумҳурии Узбекистон ҷаласаи чоруми вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхай (СҲШ) баргузор гардид, ки дар кори он Вазири корҳои дохилии Ҷумҳурии Тоҷикистон Рамазон Раҳимзода иштирок намуд. Дар ин бора ба АМИТ «Ховар» дар Вазорати корҳои дохилии Ҷумҳурии Тоҷикистон хабар доданд.

Дар ҷаласа вазирон ва намояндагони вазоратҳои корҳои дохилӣ ва амнияти ҷамъиятии кишварҳои узви СҲШ, инчунин мақомоти доимии СҲШ, намояндагони давлатҳои нозири СҲШ- Ҷумҳурии Исломии Эрон, Беларус, Муғулистон ва созмонҳои байналмилалӣ, аз ҷумла ИНТЕРПОЛ, БҲМЗҶМ (БКБОП), Маркази зиддитеррористии ИДМ ширкат доштанд.

Зимни вохӯрӣ вазирони корҳои дохилӣ дар фазои ошкоро ва дӯстона доир ба масъалаҳои амнияти байналмилалӣ ва минтақавӣ, рушди минбаъдаи ҳамкорӣ дар соҳаи мубориза бо терроризм, ифротгароӣ ва сепаратизм, мубориза бо ҷиноятҳои муташаккили фаромиллӣ табодули афкор намуданд.

Иштирокчиёни ҷаласа хостори тақвияти минбаъдаи ҳамкорӣ дар доираи СҲШ тавассути вазоратҳои корҳои дохилӣ ва амнияти ҷамъиятии кишварҳои узв бо назардошти афзояндаи бесуботӣ дар арсаи байналмилалӣ шуданд.

Таъкид шуд, ки густариши ҳамкорӣ дар заминаи мубориза бо терроризм, ифротгароӣ ва сепаратизм, гардиши ғайриқонунии маводи мухаддир ва моддаҳои психотропӣ, ҳамчунин дар заминаи ҳифзи сулҳу субот ва амният дар фазои СҲШ афзалиятнок ва муҳим аст.


Вазири корҳои дохилӣ Рамазон Раҳимзода зимни суханронӣ изҳор дошт, ки «мо бояд кӯшишҳои худро дар якҷоягӣ бар зидди се зуҳуроти номатлуб — терроризм, экстремизм ва сепаратизм равона намоем, зеро ин хатару таҳдидҳо ба амнияту суботи тамоми ҷаҳон, аз ҷумла ба фазои кишварҳои узви Созмони ҳамкории Шанхай таҳдид менамоянд. Тоҷикистон бо шарофати чораҳои саривақтӣ ва инчунин ҳамкорию ҳамоҳангии мақомоти ҳифзи ҳуқуқ дар мубориза бар зидди ин зуҳуроти номатлуб ба натиҷаҳои назаррас ноил гардидааст».

Зикр гардид, ки Вазорати корҳои дохилии Ҷумҳурии Тоҷикистон дар соҳаи мубориза бо хатару таҳдидҳои замони муосир ҳамеша омодаи ҳамкорист.

Дар ҷараёни ҷаласа вазирон якдилона аҳамияти муколамаи ошкоро ва ҳамкории амалӣ дар заминаи мубориза бо ҷиноятҳои муташаккили фаромиллиро таъкид карданд.

Дар хотима аз рӯи натиҷаҳои ҷаласа Протокол ба имзо расид.

Ҳамчунин дар доираи баргузории ҷаласаи чоруми вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхай дар шаҳри Тошканди Ҷумҳурии Узбекистон вохӯрии Вазири корҳои дохилии Ҷумҳурии Тоҷикистон Рамазон Раҳимзода бо Вазири корҳои дохилии Ҷумҳурии Қирғизистон Улан Ниязбеков, Вазири корҳои дохилии Ҷумҳурии Қазоқистон Марат Ахмеджанов ва Вазири корҳои дохилии Ҷумҳурии Ҳиндустон Нитянанд Рай баргузор гардид.

Дар ҷараёни вохӯрӣ ҷонибҳо масъалаҳои ҳамкориро дар самти мубориза бар зидди ҷинояткорӣ, ҷустуҷӯи ҷинояткорони дар кофтуков қарордошта, пешгирии гардиши ғайриқонунии маводи мухаддир, муҳоҷирати ғайриқонунӣ ва амнияти иттилоотӣ, инчунин омода намудани кадрҳои баландихтисос мавриди баррасӣ қарор доданд.

Инчунин ҷонибҳо роҷеъ ба рушду густариш додани ҳамкорӣ дар самти мубориза бар зидди ҷинояткорӣ ва дигар мавзӯъҳои мавриди таваҷҷуҳ табодули афкор намуданд.

Акс: ВКД ҶТ

Август 19, 2022 09:35

Хабарҳои дигари ин бахш

ДАЪВАТИ ТИРАМОҲӢ.Ҷамоатҳои деҳоти Ворух ва Чоркӯҳи шаҳри Исфара нахустин шуда, даъвати ҳарбиро иҷро намуданд
ДАЪВАТИ ТИРАМОҲӢ. Ноҳияҳои минтақаи Рашт дар рӯзи аввал маъракаи даъвати ҳарбиро зиёда аз 100 фоиз ба анҷом расониданд
ДАЪВАТИ ТИРАМОҲӢ. Имрӯз дар Душанбе Рӯзи даъватшаванда доир гардид
ДАЪВАТИ ТИРАМОҲӢ. Дар Бадахшон маъракаи даъвати ҷавонписарон ба хизмати ҳарбӣ дар рӯзи аввал ба анҷом расид
БА ЗИММАИ ТУ МАСЪУЛИЯТИ БУЗУРГ — ХИЗМАТ ДАР САФИ ҚУВВАҲОИ МУСАЛЛАҲ ГУЗОШТА МЕШАВАД! Чунин хитоб кардаанд ҳизбиёни шаҳри Норак ба ҷавонони синни даъватӣ
Имрӯз дар Москва ҷаласаи Машварати роҳбарони ниҳодҳои амниятӣ ва хадамоти иктишофии кишварҳои узви ИДМ доир мешавад
ВАО: Бар асари таркиш дар Кобул на кам аз 20 нафар ҳалок шудаанд
Дар Муъминобод бо мақсади пешгирии ҳолатҳои фавқулода машқи тактикӣ гузаронида шуд
Рустам Ҳайдаров: «Ташкилоти террористӣ-экстремистии ҲНИ дар ягон кишвари соҳибтамаддун таҳаммул нахоҳад шуд»
ДАЪВАТИ ТИРАМОҲӢ. Дар Вазорати мудофиа ҷаласа оид ба омодагӣ ба хизмати ҳатмии ҳарбӣ доир шуд
Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
«МО БОЯД ЭҲТИЁТ ШАВЕМ». Раиси Кумитаи давлатии амнияти миллии Тоҷикистон Саймумин Ятимов гуфт, ки ташкили муносибатҳо танҳо дар заминаи ҳуқуқӣ сабаби сулҳ, ваҳдат ва ҳамсоягии нек мегардад