Ҷудочиёни тоҷик дар Чемпионати Осиё ширкат мекунанд

Август 3, 2022 09:18

ДУШАНБЕ, 03.08.2022 /АМИТ «Ховар»/. Тавре қаблан хабар додем, аз 4 то 7 август дар шаҳри Нур-Султон -пойтахти Қазоқистон Чемпионати Осиё оид ба ҷудо баргузор мешавад, ки дар он Тоҷикистонро 9 варзишгар намояндагӣ хоҳанд кард, хабар медиҳад АМИТ «Ховар» бо истинод ба Кумитаи миллии олимпии Тоҷикистон.

Дар аввал чемпионат ба нақша гирифта нашуда буд, вале пас аз он ки Бозиҳои Осиё ба таъхир афтоданд, Иттиҳоди ҷудои Осиё тасмим гирифт чорабиниро баргузор кунад.
Ба иттилои Федератсияи байналмилалии ҷудо (IJF), дар Чемпионати Осиё 180 варзишгар (104 мард, 76 зан) аз 19 кишвари қора ширкат мекунанд.

Аз Тоҷикистон 9 варзишгар: Муҳаммад Маҳмадизода (-60кг, Шаҳбоз Саидаброров (-66кг), Беҳруз Хоҷазода (-73кг), Сомон Маҳмадбеков (-81кг), Шодмон Ризоев (-81кг),  Комроншоҳ Устопириён (-90кг), Ҷаҳонгир Маҷидов (-90кг), — Абубакри Акобир (-100кг) ва Темур Раҳимов (+100кг) ширкат меварзанд.

Барномаи чемпионат:
4 август
Оғоз: 09:00
Марҳилаи ниҳоӣ: 16:00

Занон: -48кг, -52кг, -57кг;
Мардон: -60кг, -66кг

5 август
Оғоз: 09:00
Марҳилаи ниҳоӣ: 16:00
Занон: -63кг, -70кг;
Мардон: -73кг, -81кг

6 август
Оғоз: 09:00
Марҳилаи ниҳоӣ: 16:00
Занон: -78кг, +78кг;
Мардон: -90кг, -100кг, +100кг

7 август
Оғоз: 09:00
Марҳилаи ниҳоӣ: 15:00
Рақобатҳои даставии омехта

Мавриди зикр аст, ки варзишгарони тоҷик дар чемпионатҳои ҷудои Осиё дар давраи соҳибистиқлолӣ ҳамагӣ 20 медал – 2 тилло, 8 нуқра, 10 биринҷӣ ба даст овардаанд.
Ҳарду медали тилло ба Комроншоҳ Устопириён мансуб аст. Ӯ ҳамчунин як медали нуқра ва ду биринҷӣ дорад. Расул Боқиев 1 нуқра, 2 биринҷӣ, Парвиз Собиров 1 нуқра, 1 биринҷӣ, Темур Раҳимов 1 нуқра, 1 биринҷӣ, Алишер Боқиев, Шералӣ Бозоров, Неъматулло Арслонқулов, Сомон Маҳмадбеков яктоӣ медали нуқра, Саидаҳтам Раҳимов, Нурулло Лоиқов, Рауф Ҳукуматов, Саидҷалол Саидов яктоӣ медали биринҷӣ гирифтаанд.

АКС: КМО Тоҷикистон

Август 3, 2022 09:18

Хабарҳои дигари ин бахш

ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
Тоҷикистонро дар Бозиҳои сеюми кишварҳои ИДМ 142 варзишгар муаррифӣ менамояд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» ҷамъбаст гардид
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо Камбоҷа бозӣ мекунад
Дар рӯзи охирини Ҷоми ҷаҳон оид ба самбо варзишгарони тоҷик соҳиби 6 медал шуданд
ҶОМИ ОСИЁ-2026. Дастаи мунтахаби Тоҷикистон оид ба футзал дар оғози марҳилаи интихобӣ тими Макаоро мағлуб намуд
Варзишгарони Тоҷикистон дар Бозиҳои ИДМ-2025 иштирок менамоянд
ҶОМИ ҶАҲОН ОИД БА САМБО. Варзишгарони тоҷик дар рӯзи якуми мусобиқа се медал ба даст оварданд
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Макао бозӣ мекунад
Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд