МО ХОТИРАИ ӮРО АБАДӢ ПОС ХОҲЕМ ДОШТ. Яке аз тарҷумонҳои касбии Тоҷикистон Мадориф Шарифов даргузашт
ДУШАНБЕ, 30.09.2022/НИАТ «Ховар»/. Имрӯз, дар Рӯзи байналмилалии тарҷумон, месазад, ки мо бо як сухани нек тарҷумони боистеъдод Мадориф Шарифовро ёд кунем, зеро чанд рӯз қабл аз ҷашни иди касбиаш дар синни 95-солагӣ чашм аз олам пушид.
Мадориф Шарифов дар ноҳияи Муъминобод таваллуд шуда, дар овони кӯдакӣ бе падару модар монда буд. Дар ятимхонаи Кангурт тарбия ёфта буд ва доим бо арзи сипос ва муҳаббати беандоза аз мурабиёни худ ёд мекард. Пас аз хатми факултаи забон ва адабиёти Донишгоҳи давлатии Тоҷикистон якчанд сол ба ҳайси тарҷумон дар Афғонистон кор карда, баъдан дар ҳамин вазифа то баромадан ба нафақа ва баъд аз он низ, дар ТоҷикТа ва АМИТ «Ховар» кору фаъолият намудааст.
Вай мутахассиси кордони соҳаи худ буд, инро ҳам ҳамкасбон ва ҳам хонандагони тарҷумаҳояш эътироф мекунанд. Вай шахси меҳнатдӯст, хоксор ва хайрхоҳ буд. Ӯро ҳайати кормандон ва нафароне, ки мешинохтанд, барои хулқу атвори хуб, муносибати беғаразонааш ҳурмат мекарданд. Устод Шарипов бо ҷидду ҷаҳд кор мекард ва дар лаҳзаҳои фориғ аз кор шоҳмотбозиро дӯст медошт.
Мадориф Шариповро бисёр тарҷумонҳо ва рӯзноманигрон устоди аввалини худ меҳисобанд. Ӯ доимо ҷавононро бовар мекунонд, ки аз ӯҳдаи кор мебароянд. Доимо дар тарҷумаи маводҳо кӯмаки худро дареғ намедошт ва тамоми нозукиҳои корро меомӯзонд. Мадориф Шарипов инчунин шавҳар ва падари хуб буд, яке аз фарзандонаш духтури шинохтаи ҷумҳурӣ ба шумор меравад. Шогирдон доим устодро бо миннатдории бепоён ёд хоҳанд кард.
Ҳайати кормандони Агентии миллии иттилоотии Тоҷикистон «Ховар» бино ба даргузашти собиқадори матбуот Мадориф Шарипов, ки солҳои тӯлонӣ дар АМИТ «Ховар» кор кардааст, ба аҳли оила, пайвандону наздикони марҳум изҳори тасаллӣ мекунанд. Устод Шарипов аз худ хотираи нек гузошт, ки мо онро абадӣ пос хоҳем дошт.
Ҳайати кормандони АМИТ «Ховар»
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
