Ба сокинони маҳаллаи Сомониёни Ҷамоати деҳоти Чоркўҳи шаҳри Исфара кумак расонида шуд

Сентябрь 28, 2022 16:48

ДУШАНБЕ, 28.09.2022. /АМИТ «Ховар»/. Аз ҷониби ҳизбиёни ноҳияи  Деваштич ба сокинони маҳаллаи Сомониёни Ҷамоати деҳоти Чоркўҳи шаҳри Исфара, ки дар воқеаҳои охири марзӣ 14-17 сентябри соли равон аз ҳама бештар манзилҳои истиқоматиашон зарар дида буданд, ба миқдори зиёд молҳои хоҷагӣ,  аз  ҷумла гилем, кўрпаву кўрпача, болишт, дег, зарфҳои гуногунҳаҷм, либосҳои кӯдакона,  инчунин маводи хӯрока,  аз қабили зиёда аз 1 тонна картошка, сабзӣ, биринҷ, орд, пиёз, макарон, шириниҳо ва  равғани растанӣ  кумак расонида шуд.

Тавре аз КИ ҲХДТ дар шаҳри Исфара ба АМИТ “Ховар” хабар доданд, ҳизбиёни ноҳияи Деваштич бо расонидани кумаки моддӣ ҳамраъии худро ба зарардидагони шаҳри Исфара дар муноқишаҳои сарҳадӣ изҳор намуданд.

Бо иштироки раиси КИ ҲХДТ дар вилояти Суғд Зуфар Исмоилзода, роҳбари дастгоҳи Кумитаи иҷроияи ҲХДТ дар вилояти Суғд Фирдавс Салимӣ, раиси КИ ҲХДТ дар ноҳияи Деваштич Равшаной Мамурзода, кормандони масъули ноҳиявии ҳизб, вакили Маҷлиси вакилони халқи вилояти Суғд аз ҷамоати Чоркўҳ Савриддин Раҷабов кӯмаки башардӯстона ба сокинони маҳаллаи Сомониён супорида шуд.

Зуфар Исмоилзода зимни суҳбат сокинони маҳалларо ба таҳаммулпазирӣ даъват намуда изҳор кард, ки дар ҳамаи ҳолатҳо ҳизбиёни вилояти Суғд ҳамеша дар паҳлӯи онҳо мебошанд. Ҳамеша омода ҳастанд, ки  онҳоро ҳамаҷиҳата дастгирӣ намоянд.

Зарардидагон барои кӯмаку дастгирӣ ба ҳизбиёни ноҳияи Деваштич миннатдории самимӣ баён карданд.

АКС: КИ ҲХДТ дар шаҳри Исфара

Сентябрь 28, 2022 16:48

Хабарҳои дигари ин бахш

ОБУ ҲАВО. Имрӯз дар ноҳияҳои алоҳидаи кӯҳии Тоҷикистон барф меборад
Дар Душанбе дастрасӣ ба хизматрасониҳои устувории обтаъминкунию санитария боз ҳам беҳтар мегардад
Барои пойгоҳи обкашии «Сомғор-1»-и ноҳияи Бобоҷон Ғафуров ду агрегати нав харидорӣ мешавад
ОБУ ҲАВО. Имрӯз дар ноҳияҳои алоҳидаи Тоҷикистон барф меборад
ҚУРБИ АСЪОР: 1 евро аз 10.7613 то 10.6000 сомонӣ муқаррар шудааст
Дар Кӯлоб корҳои фаҳмондадиҳӣ оид ба пешгирии бемориҳои сироятӣ ва заҳролудшавӣ тақвият меёбанд
Академияи идоракунии давлатии Тоҷикистон ва Донишгоҳи давлатии ҳуқуқшиносии Москва созишномаи ҳамкорӣ ба имзо расониданд
Дар ноҳияи Бобоҷон Ғафуров 500 гектар токзори нав бунёд мешавад
Кирмакпарварӣ ва коркарди пилла шуғли қадимтарини тоҷикон ба шумор меравад
Муассисаҳои давлатии нигоҳдории роҳҳои мошингарди ноҳияи Шамсиддини Шоҳин ба давраи зимистон омодагӣ мебинанд
ОБУ ҲАВО. Имрӯз дар Тоҷикистон ҳавои абрноки бебориш дар назар аст
ОБУ ҲАВО. Имрӯз дар Тоҷикистон ҳаво рӯзона то 11 дараҷа гарм мешавад