Данғара мизбони Форуми минтақавӣ ва вохӯрии соҳибкорони вилояти Хатлон ва шаҳри Қунияи Туркия мегардад
ДУШАНБЕ, 02.09.2022 /АМИТ «Ховар»/. Дар доираи таҳкими ҳамкории иқтисодию тиҷоратии Тоҷикистон ва Туркия 4 сентябр ҳайати калони доираҳои тиҷоратию соҳибкории Туркия таҳти роҳбарии раиси Палатаи савдои Туркия ба Тоҷикистон ташриф меорад. Дар ин бора АМИТ «Ховар» бо истинод ба Вазорати саноат ва технологияҳои нави ҷумҳурӣ иттилоъ медиҳад.
Ҳадафи сафари ҳайати Туркия ба Тоҷикистон баррасии масъалаҳои таҳкими ҳамкорӣ дар доираи ҷаласаи 11-уми Комиссияи муштараки байниҳукуматии Тоҷикистон ва Туркия оид ба ҳамкории иқтисодӣ мебошад.
Ҳайати Туркия бо роҳбарону намояндагони вазоратҳои саноат ва технологияҳои нав, рушди иқтисод ва савдо, Кумитаи давлатии сармоягузорӣ ва идораи амволи давлатӣ, Палатаи савдо ва саноати ҷумҳурӣ ва Раиси шаҳри Кӯлоб мулоқот анҷом медиҳад. Инчунин дар Душанбе вохӯрии соҳибкор бо соҳибкор (В2В) баргузор мегардад.
Ҳамзамон дар ноҳияи Данғара бо иштироки соҳибкорони вилояти Хатлон ва шаҳри Қунияи Туркия форуми минтақавии дуҷониба баргузор гашта, соҳибкорони Туркия аз минтақаҳои озоди иқтисодии «Данғара» ва «Кӯлоб», шаҳри бостонии Кӯлоб, ки бо шаҳри Қунияи Туркия бародаршаҳр аст ва Осорхонаи Мавлоно дар ноҳияи Ҷалолиддини Балхӣ боздид менамоянд.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
Дар шаҳри Риёз ҳамоиши доираҳои тиҷоратию сармоягузории Тоҷикистон ва Арабистони Саудӣ баргузор гардид
Байни Вазорати кишоварзии Тоҷикистон ва Вазорати муҳити зист, об ва кишоварзии Подшоҳии Арабистони Саудӣ Ёддошти тафоҳум ба имзо расид
