Дар Душанбе беҳтар намудани роҳҳои алоқаи минтақавӣ дар Осиёи Марказӣ баррасӣ гардид
ДУШАНБЕ, 09.09.2022 /АМИТ «Ховар»/. 8 сентябр муовини Сардори Хадамоти гумруки назди Ҳукумати Ҷумҳурии Тоҷикистон Хуршед Шерализода бо гурӯҳи Бонки умумиҷаҳонӣ оид ба тарҳрезии марҳилаи панҷуми Барномаи «Беҳтар намудани роҳҳои алоқаи минтақавӣ дар Осиёи Марказӣ» (БРАМОМ-5) мулоқот намуд, хабар медиҳад АМИТ «Ховар» бо истинод ба Хадамоти гумрук.
Зимни мулоқот зикр шуд, имрӯз навсозии инфрасохтор ва муҷаҳҳазгардонӣ бо воситаҳои техникии назорати гумрукии дар гузаргоҳҳои сарҳадӣ масъалаи мубрам мебошад.
Таъкид гардид, ки таъсис ва такмили ҷараёни ҳаракати нақлиёт ва содагардонии расмиёти савдо дар маҷмӯъ бидуни иштироки расмиёти гумрукӣ тасаввур кардан душвор аст. Аз ин лиҳоз, ворид намудани Хадамоти гумрук ба марҳилаи панҷуми Барномаи «Беҳтар намудани роҳҳои алоқаи минтақавӣ дар Осиёи Марказӣ» ҷанбаи муҳими тарҳи умумии Лоиҳа мебошад.
Қобили зикр аст, ки имрӯз Хадамоти гумрук Лоиҳаи «Беҳтар намудани роҳҳои алоқаи минтақавӣ дар Осиёи Маркази»-ро дар доираи Созишномаи грантии байни Ҳукумати Ҷумҳурии Тоҷикистон ва Бонки умумиҷаҳонӣ, ки 17 майи соли 2021 ба имзо расидааст, амалӣ менамояд.
Лоиҳа ба навсозии системаи автоматикунонидашудаи гумрукӣ, таҳкими иқтидори институтсионалӣ ва захираҳои кадрӣ, ҳамчунин муҷаҳҳаз намудани гузаргоҳҳои сарҳадӣ бо воситаҳои техникии назорати гумрукӣ равона гардидааст.
Дар фарҷоми мулоқот ҷонибҳо ба рушди ҳамкорӣ дар соҳаи фаъолияти гумрукӣ ишора намуда, ҷиҳати мушаххас намудани самтҳои афзалиятноки соҳа ва тарҳрезии барномаҳо дар самти фаъолияти гумрукӣ изҳори омодагӣ карданд.
АКС: Хадамоти гумруки назди Ҳукумати ҶТ
Ҳайати «Амонатбонк» дар ҷаласаи Шурои сарони бонкҳои аъзои Иттиҳоди байнибонкии СҲШ иштирок намуд
Дар Душанбе дурнамои ҳамкории Тоҷикистон ва Арманистон дар соҳаи нақлиёт баррасӣ гардид
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
