Дар Коллеҷи омӯзгории шаҳри Турсунзода 31-солагии Истиқлолияти давлатӣ таҷлил гардид
ТУРСУНЗОДА, 06.09.2022 /АМИТ «Ховар»/. Имрӯз, 6 сентябр дар Коллеҷи омӯзгории шаҳри Турсунзода бахшида ба 31-солагии Истиқлолияти давлатии Ҷумҳурии Тоҷикистон ҳамоиши идона доир гардид. Дар он намояндаи Вазорати маориф ва илми ҷумҳурӣ Ҷалолиддин Амиров, Раиси шаҳри Турсунзода Парвиз Акрамзода, Раиси Кумитаи иҷроияи Ҳизби халқии демократии Тоҷикистон дар шаҳри Турсунзода Нурулло Ҳабибуллозода ва намояндаи Ҳукумати ҷумҳурӣ дар шаҳри Турсунзода, президенти Академияи илмҳои кишоварзии Тоҷикистон, академик Нуралӣ Асозода иштирок намуданд, хабар доданд ба АМИТ «Ховар» дар коллеҷи мазкур.
Зикр шуд, ки «Истиқлолияти давлатӣ дар сарнавишти миллати тоҷик сароғози давлатдории навин ва бунёди ҷомеаи мутамаддин гардид. Дар натиҷаи соҳибистиқлолӣ кишвари мо миёни давлатҳои ҷаҳон мавқеи хоси худро пайдо намуда, миллати тоҷик бо азму иродаи қавӣ ба сӯйи ояндаи дурахшон қадам ниҳод».
Дар идома меҳмонон як зумра омӯзгорон ва кормандони муассисаҳои таълимиро бо мукофотҳои соҳавии «Аълочии маориф ва илми Ҷумҳурии Тоҷикистон», «Ифтихорнома»-и Вазорати маориф ва илми Ҷумҳурии Тоҷикистон, «Сипоснома»-и Мақомоти иҷроияи ҳакимияти давлатии шаҳри Турсунзода ва Кумитаи иҷроияи Ҳизби халқии демократии Тоҷикистон дар шаҳри Турсунзода сарфароз гардониданд.
Бояд гуфт, ки Муассисаи давлатии таълимии «Коллеҷи омӯзгории шаҳри Турсунзода» низ зодаи даврони соҳибистиқлолӣ буда, аз соли 2001 ин ҷониб дар зинаи таҳсилоти миёнаи касбӣ кадрҳои ихтисосманд омода менамояд. Дар айни ҳол дар муассиса 9 ихтисос амал карда, муҳассилини он аз рӯйи ихтисосҳои омӯзгори муассисаҳои томактабӣ, таҳсилоти ибтидоӣ, забон ва адабиёти тоҷик, забон ва адабиёти рус, омӯзгори забони англисӣ, математика, информатика, таърих ва биология соҳиби ҳуҷҷати намунаи давлатӣ мегарданд.
Маросими таҷлили ҷашни 31-солагии Истиқлолияти давлатӣ дар саҳни коллеҷи мазкур пас аз тармиму таҷдиди бинои муассиса дар таътили тобистона баргузор карда шуда, бо барномаи фарҳангӣ анҷом ёфт.
АКС: Коллеҷи омӯзгории шаҳри Турсунзода
Дар Суғд ҳаҷми маблағгузорӣ аз ҷониби аҳолӣ беш аз 3 маротиба зиёд шудааст
Ба муносибати 35-солагии Истиқлоли давлатӣ ва Рӯзи Парчами Тоҷикистон дар Рашт панҷ иншоот ба истифода дода шуд
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
