Китоби Президенти Тоҷикистон Эмомалӣ Раҳмон дар Озмуни байналмилалии «Санъати китоб» («Искусство книги») дар Москва ғолиб гардид
ДУШАНБЕ, 07.09.2022 /АМИТ «Ховар»/. Рӯзи шанбеи гузашта дар Москва натиҷаҳои Озмуни VII байналмилалии кишварҳои узви ИДМ «Санъати китоб» («Искусство книги») эълон гардиданд. Ин озмун аз ҷониби Шӯрои байнидавлатии ҳамкорӣ дар соҳаи матбуоти даврӣ, нашри китоб, паҳнкунии китоб ва полиграфӣ бо дастгирии Бунёди байнидавлатии ҳамкории башардӯстонаи давлатҳои аъзои ИДМ ташкил карда шуд. Тавре хабарнигори АМИТ «Ховар» иттилоъ медиҳад, китоби Президенти Ҷумҳурии Тоҷикистон Эмомалӣ Раҳмон «Нигоҳе ба таърих ва тамаддуни ориёӣ», ки аз ҷониби Муассисаи табъу нашри «Ирфон»-и шаҳри Душанбе соли 2009 ба чоп расидааст, дар номинаи «Илм ва ҳаёт» («Наука и жизнь») ғолиби озмун шуд.
Ба озмун 155 асар аз 11 кишвар, аз ҷумла Озарбойҷон, Арманистон, Беларус, Қазоқистон, Қирғизистон, Русия, Тоҷикистон, Туркманистон, Узбекистон, Украина ва Эстония пешниҳод шуданд. Ҳайати ҳакамони байналмилалӣ ба китобҳо аз рӯи 9 номина, аз қабили «Содружество» («Иттиҳод»), «Моя страна» («Кишвари ман»), «Книга для детей и юношества» («Китоб барои кӯдакон ва наврасон»), «Наш современник» («Ҳамзамони мо»), «Наука и жизнь» («Илм ва ҳаёт»), «Арт-книга» («Китоби бадеӣ»), «Отпечатано в Содружестве» («Дар Иттиҳод чоп шудааст»), «Гран-При» ва «Победа» («Ғалаба») баҳо гузоштанд.
Дар номинаи «Китоб барои кӯдакон ва наврасон» асари дигар аз Тоҷикистон – китоби осори мунтахаби Убайди Зоконӣ, ки аз ҷониби муассисаи табъу нашри «Маориф ва фарҳанг» чоп гардидааст, низ ғолиб дониста шуд.
Дар ҳар номина ғолибон муайян гардида, чанде пеш бо дипломҳо сарфароз гардонида шуданд.
Натиҷаҳои озмун дар доираи Намоишгоҳи XXIII байналмилалии китоби Москва, ки дар пойтахти Русия ҷараён дорад, эълон карда шуданд. Дар намоишгоҳ дар майдони 30 ҳазор метри мураббаъ зиёда аз 800 нигора аз 56 мамлакати ҷаҳон ба маъраз гузошта шудаанд. Меҳмонони намоишгоҳ, ки онро 760 хабарнигор аз 320 воситаи ахбори омма инъикос мекунанд, метавонанд бо 200 000 асар ба даҳҳо забонҳои ҷаҳон шинос гарданд.
АКС аз бойгонии АМИТ «Ховар»
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
