Омӯзгорони Донишгоҳи миллии Тоҷикистон дар Форуми байналмилалии занони ихтироъкор соҳиби медали тилло ва Шоҳҷоиза шуданд
ДУШАНБЕ, 09.09.2022. /АМИТ «Ховар»/. Омӯзгорони Донишгоҳи миллии Тоҷикистон Саврибегим Ёрмамадова ва Муқаддас Қурбонова дар Форуми 15-уми байналмилалии занони ихтироъкор, ки аз 24 то 27 август дар шаҳри Сеули Кореяи Ҷанубӣ баргузор гардид, соҳиби медали тилло ва Шоҳҷоиза гардиданд. Дар ин бора ба АМИТ «Ховар» мудири маркази иттилоотӣ-таҳлилии Донишгоҳи миллии Тоҷикистон Талабшо Ихромов хабар дод.
Форуми мазкур бо иштироки намояндагони 30 давлати узви Созмони умумиҷаҳонии моликияти зеҳнӣ ва 500 нафар ихтироъкор баргузор гардид.
Дар кори форум устодони донишгоҳ дар самти «Истифодаи пайвастаҳои комплексии рӯҳ ҳамчун маводи доруворӣ зидди бемориҳои ғадуди сипаршакл» ва «Истифодаи хӯлаҳои алюминий бо бериллий дар саноати мошинсозӣ» ихтироот намуда, дар нишастҳои омӯзишӣ миёни мутахассисони сатҳи байналмилалӣ баррасӣ намуданд. Пас аз таҳлили мутахассисон бонувони ихтироъкор бо Шоҳҷоиза ва медали тилло қадрдонӣ шуданд.
Бояд тазаккур дод, ки дастоварди навбатии устодони ДМТ дар партави дастуру супоришҳои Ҳукумати ҷумҳурӣ, бахусус Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ба даст омадааст.
Ёдовар мешавем, ки омӯзгори ҷавони кафедраи химияи татбиқии факултети химияи Донишгоҳи миллии Тоҷикистон Мавлуда Давлатмамадова дар Форуми ихтироъкорони ҷаҳон моҳи майи соли 2021 дар Полша соҳиби медали тилло гардида буд.
АКС: Донишгоҳи миллии Тоҷикистон
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
