Осорхонаҳои миллии Тоҷикистон ва Арабистони Саудӣ созишномаи ҳамкорӣ ба имзо мерасонанд
ДУШАНБЕ, 06.09.2022 /АМИТ «Ховар»/. Интизор меравад, ки дар оянда миёни Осорхонаи миллии Тоҷикистон ва Осорхонаи миллии Арабистони Саудӣ созишномаи ҳамкорӣ ба имзо расад. Ин ва дигар масъалаҳои марбут ба таҳкими ҳамкории фарҳангӣ 5 сентябр дар Душанбе зимни мулоқоти Директори Муассисаи давлатии «Осорхонаи миллии Тоҷикистон»-и Дастгоҳи иҷроияи Президенти Ҷумҳурии Тоҷикистон Зафаршо Иброҳимзода бо Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон ар—Рушайдон баррасӣ гардид.
АМИТ «Ховар» бо истинод ба Осорхонаи миллӣ иттилоъ медиҳад, ки Зафаршо Иброҳимзода ташрифи меҳмони олиқадрро ба Осорхонаи миллӣ дар арафаи ҷашни 31-умин солгарди Истиқлолияти давлатии Ҷумҳурии Тоҷикистон хайрамақдам гуфт.
Дар мулоқот мусоҳибон масъалаҳои марбут ба табодули таҷрибаи осорхонавӣ, тармиму таҳкими ашёи нодири осорхонавӣ, таҳия ва чоп намудани феҳристи ёдгориҳои нодири осорхона бо забонҳои тоҷикӣ ва арабӣ, ташкил ва баргузории намоишҳои муваққатӣ дар Тоҷикистон ва Арабистони Саудӣ, омода намудани мутахассисон дар соҳаи тармиму консерватсия ва дигар самтҳои муҳими фаъолияти осорхонавиро баррасӣ намуданд.
Ҳамзамон Валид ибни Абдурраҳмон ар-Рушайдон тавассути толорҳои экспозитсионии осорхона бо таъриху фарҳанги пурғановати халқи тоҷик аз наздик шинос шуд.
Баъди тамошои Осорхонаи миллии Тоҷикистон дипломати саудӣ ҳамчун рамзи дӯстӣ дар китоби «Меҳмонони фахрӣ»-и Осорхонаи миллии Тоҷикистон таассуроташро дарҷ намуд.
АКС: Осорхонаи миллии Тоҷикистон
Ризо Солеҳии Амирӣ: «Аз ҳар муваффақияти Тоҷикистон ҳушҳолу сарфароз мешавем»
Маркази тадқиқоти стратегии назди Президенти Ҷумҳурии Тоҷикистон ва Маркази пажуҳишии Шурои исломии Эрон ҳамкорӣ дар самти таҳқиқотро густариш медиҳанд
Байни Академияи миллии илмҳои Тоҷикистон ва Пажуҳишгоҳи муҳандисии генетикӣ ва биотехнологияи Эрон Ёддошти тафоҳум ба имзо расид
Аҳли илму адаби Эрон дар Осорхонаи миллӣ бо таъриху тамаддуни тоҷикон шинос гардид
Ҳамкории Академияи миллии илмҳои Тоҷикистон бо Вазорати мероси фарҳангӣ, гардишгарӣ ва саноеи дастии Эрон баррасӣ гардид
«Мероси Имоми Аъзам ва гуфтугӯи тамаддунҳо», «Мавлоно ва тамаддуни инсонӣ» сазовори «Шоҳҷоиза»-и Озмуни ҷумҳуриявии «Китоби сол-2024» гардиданд
Дар Душанбе робитаҳои фарҳангии Тоҷикистон ва Эрон баррасӣ шуданд
Дар Душанбе Пажуҳишгоҳи фарҳангии тоҷикӣ-форсӣ ифтитоҳ гардид
Дар Душанбе Форуми олимону пажуҳишгарони Тоҷикистон ва Эрон баргузор шуд
Дар шаҳри Душанбе маҳфили шеъру адаби Тоҷикистон ва Эрон оғоз гардид
«ШОМИ ШЕЪРИ ТОҶИКИСТОНУ ЭРОН». Таҳти ин унвон дар Китобхонаи миллӣ барномаи фарҳангӣ баргузор мешавад
Дар Душанбе Форуми олимон ва пажуҳишгарони Тоҷикистон ва Эрон баргузор мегардад
