Роҳи дараи Алмосии Ҳисор то шоҳроҳи Душанбе-Турсунзода таъмир мегардад
ДУШАНБЕ, 06.09.2022 /АМИТ «Ховар»/. 5 сентябр Раиси шаҳри Ҳисор Қосим Роҳбар дар доираи сафари корӣ дар Ҷамоати деҳоти Алмосӣ бо ҳолати роҳҳои дараи Алмосӣ, ки аз ҳудуди Ҷамоати деҳоти Сомон ва Хонақоҳи Кӯҳӣ гузашта, беш аз 60 ҳазор аҳолӣ дорад, шинос гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Бо сабаби мушкилот ва дастрас гардидани маблағ роҳсозони Муассисаи нигоҳдории роҳҳои нақлиёти автомобилӣ дар ҳудуди деҳаи Тутака ба таъмири роҳе, ки бар асари селбориши пайдарпайи имсола зарар дидааст, оғоз намуданд. Раиси шаҳр Қосим Роҳбар аз ин мавзеъ боздид намуда, бо сокинони деҳа дар корҳои мумфаршкунӣ иштирок карда, баъд аз хобонидани ҳиссаҳои аввалини асфалт ба роҳсозон ҷиҳати бо сифати баланд ва дар муҳлати пешбинишуда ба анҷом расонидани таъмир то шаҳроҳи Душанбе-Турсунзода дастуру супоришҳои мушаххас дод.
Тибқи иттилои муовини Раиси шаҳри Ҳисор Аҳмадҷон Исматуллозода, роҳҳои маҳаллӣ дар шаҳр 176 километрро ташкил дода, бо сабаби кӯҳнаву фарсуда будани онҳо, таъсири омилҳои табиӣ, гаштугузор кардани нақлиёти гаронвазн ҳамасола қариб 80-90 километри онҳо вайрону таъмирталаб мегарданд.
Соли равон дар шаҳр беш аз 30 км роҳ таъмир гардида, тибқи нақша таъмири боз 20 км роҳ, аз ҷумла 12 километр дар дараи Алмосӣ дар назар дошта шудааст. Ҳамчунин аҳолӣ ва соҳибкорон тасмим гирифтаанд рӯзҳои наздик дар ҳудуди деҳаҳои Чуқурак, Обигармӣ ва Лолагии деҳоти Навобод ба мумфаршкунии якчанд километр роҳ иқдом намоянд. Ҳалли мушкилоти роҳ, об ва барқ дар сархати фаъолияти мақомоти иҷроияи ҳокимияти давлатии шаҳр, бахусус таваҷҷуҳи махсуси Раиси шаҳр Қосим Роҳбар қарор дошта, масъулин ба мавсими тирамоҳу зимистони имсола омодагии ҳамаҷониба мегиранд.
АКС: Мақомоти иҷроияи ҳокимияти давлатии шаҳри Ҳисор
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
