Завқӣ Завқизода ва Мартин Саладин масъалаи ҳамкорӣ барои рушди тиҷорат ва иқтисодро баррасӣ намуданд
ДУШАНБЕ, 02.09.2022 /АМИТ «Ховар»/. Дар ҳошияи ҷаласаи сеюми Комиссияи байниҳукуматӣ миёни Ҷумҳурии Тоҷикистон ва Конфедератсияи Швейтсария оид ба ҳамкории тиҷоратию иқтисодӣ вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири Фавқулодаи Конфедератсияи Швейтсария Мартин Саладин баргузор гардид, хабар медиҳад АМИТ «Ховар» бо истинод ба Вазорати рушди иқтисод ва савдои мамлакат.
Зимни вохӯрӣ, ки дар фазои созанда ва дӯстона баргузор шуд, ҷонибҳо масъалаҳои таъсиси корхонаҳои муштарак дар ҳудуди минтақаҳои озоди иқтисодии Ҷумҳурии Тоҷикистон, инчунин таҳкими ҳамкории дуҷониба барои рушди тиҷорат ва иқтисод, сармоягузорӣ, энергетика, кишоварзӣ, саноат, сайёҳӣ, маориф ва тандурустиро баррасӣ намуданд.
З. Завқизода иброз намуд, ки ба шарофати сиёсати оқилона ва дурандешонаи роҳбарони ду кишвар- Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Конфедератсияи Швейтсария муҳтарам Инянтсио Касис муносибатҳои ду кишвар ба сатҳи сифатан нав баромадаанд.
Швейтсария яке аз шарикони асосии низоми тиҷоратии Ҷумҳурии Тоҷикистон ба ҳисоб рафта, дар шаш моҳи соли 2022 гардиши савдои дуҷониба 281,7 млн доллари ИМА-ро ташкил дод.
Дар ҷараёни мулоқот аз ҷониби Вазири рушди иқтисод ва савдо пешниҳод гардид, ки бо дарназардошти таъсири омилҳои берунӣ маблағгузории Швейтсария барои дастгирии соҳаҳои иқтисоди миллии Ҷумҳурии Тоҷикистон бештар карда шавад.
АКС: Вазорати рушди иқтисод ва савдои ҶТ
Пагоҳ ҷаласаи Комиссияи байниҳукуматии Ҷумҳурии Тоҷикистон ва Давлати Қатар оид ба ҳамкории иқтисодию тиҷоратӣ баргузор мегардад
Эмомалӣ Раҳмон: «Дар даҳ соли охир суръати миёнасолонаи рушди иқтисоди миллии мамлакати мо дар сатҳи 7,6 фоиз таъмин гардид»
Узбекистон таҷриба дар самти франчайзингро дар Форуми байналмилалии сармоягузории «Душанбе-Инвест-2025» муаррифӣ менамояд
«ДУШАНБЕ ИНВЕСТ – 2025». Дар доираи ин форум якчанд созишномаи ҳамкорӣ ба имзо расид
ОМОДАГӢ БА ЗИМИСТОН. Дар Неругоҳи барқи обии «Норак» корҳои таъмиру навсозӣ идома доранд
Президенти Тоҷикистон Эмомалӣ Раҳмон: «Тоҷикистон ба сармоягузорон зиёда аз 240 номгӯй кафолат ва имтиёзҳои гуногун пешниҳод менамояд»
14 ОКТЯБР — РӮЗИ ҶАҲОНИИ СТАНДАРТҲО. 80 фоизи савдои ҷаҳонӣ аз стандартҳо вобаста аст
«ДУШАНБЕ ИНВЕСТ-2025». Дар доираи форум Намоишгоҳи молу маҳсулоти саноатии Тоҷикистон баргузор гардид
14 ОКТЯБР — РӮЗИ СОҲИБКОРОН. Дар Тоҷикистон 110 номгӯй имтиёзҳо барои фаъолияти соҳибкории истеҳсолӣ пешбинӣ шудааст
Ҳамкорӣ байни Тоҷикистон ва Фаронса дар соҳаи авиатсия тақвият меёбад
«DUSHANBE INVEST – 2025». Пойтахти Тоҷикистон ба маркази муколамаи байналмилалии сармоягузорӣ табдил меёбад
Дар Душанбе бо иштироки беш аз 1000 нафар Форуми байналмилалии «Digital Tajikistan – 2025» баргузор шуд
