342 воситаи офиятбахшӣ дастраси маъюбони ноҳияҳои вилояти Хатлон гардонида шуд
ДУШАНБЕ, 26.10.2022 /АМИТ «Ховар»/. Корвони хизматрасонии тавонбахшӣ, воситаҳои ёрирасон ва муоинаи беморон, ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон амалӣ гардида истодааст, барои маъюбони ноҳияҳои дурдасти вилояти Хатлон, аз ҷумла ноҳияҳои Балҷувон, Ховалинг ва Муъминобод 342 адад воситаҳои офиятбахшӣ дастрас намуд. Дар ин бора ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии мамлакат иттилоъ доданд.
Гуфта шуд, ки бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон гурӯҳи кории кормандони Корхонаи давлатии «Заводи протезию ортопедӣ» -и шаҳри Душанбе, масъулини бахши ҳифзи иҷтимоии Вазорати тандурустии мамлакат ба ноҳияҳои дурдасти вилояти Хатлон сафари корӣ намуд.
Дар ҷараёни сафари корӣ бо ҷалби бахшҳои ҳифзи иҷтимоии аҳолӣ, шуъбаҳои кумаки аввалияи тибби санитарӣ, комиссияҳои машваратии ташхиси тиббӣ ва доираи васеи шахсони дорои қобилияти маҳдуд машварат доир гардид.
Ёдовар мешавем, ки корвони мазкур аз ин пештар ба маъюбони ноҳияи Айнӣ ва шаҳри Панҷакенти вилояти Суғд ва ноҳияҳои Рашту Лахш кумак расонид.
АКС: Вазорати тандурустӣ ва ҳифзи иҷтимоии аҳолии ҶТ
Барои таҳкими субот дар минтақаҳои аз офатҳои табиӣ осебпазир Ёддошти тафоҳум ба имзо расид
МАСЛИҲАТИ МУТАХАССИС. Истеъмоли хӯроки вазнин дар фасли баҳор боиси авҷи бемории гастрит мегардад
Дар Тоҷикистон 71 фоизи кормандони соҳаи тибро занон ташкил медиҳанд
Мумина Шовалиева: «Растаниҳои худрӯйи Тоҷикистон дар фасли баҳор ҷузъи ҷудонашавандаи таомҳои миллӣ мебошанд»
Занону модарони тоҷик тақдирсоз ва таърихсоз мебошанд
Нақши занон дар хизмати давлатӣ барои рушди ҷомеа ва давлат аҳамияти бузург дорад
Бахшида ба Рӯзи Модар ҳамоиши занони соҳаи таҳсилоти ибтидоӣ ва миёнаи касбӣ баргузор шуд
Шоҳона Сулаймон: «Сарриштаи зиндагиву рӯзгори ҳар як оила, пеш аз ҳама, дар дасти Зан-Модар аст»
Дар Агентии суғуртаи иҷтимоӣ ва нафақаи Тоҷикистон Рӯзи Модар ботантана таҷлил карда шуд
Вазорати нақлиёти Тоҷикистон: «Ба ронандагон тавсия дода мешавад, ки бе зарурати шадид бо роҳҳои кӯҳӣ ба сафар набароянд»
Бо иштироки ҷавондухтарону фаъолзанони гуногункасб ҳамоиши бошукуҳ доир гардид
Ба сокинони вилояти Суғд хизмати ройгони тиббӣ расонида шуд
