35-СОЛАГИИ ИСТИҚЛОЛИЯТИ ДАВЛАТӢ. То ин ҷашни миллӣ дар шаҳри Норак 20 корхонаи саноатӣ сохта мешаванд

Октябрь 25, 2022 10:06

ДУШАНБЕ, 25.10.2022. /АМИТ «Ховар»/. То ҷашни бузурги 35-солагии Истиқлолияти давлатии Ҷумҳурии Тоҷикистон дар шаҳри Норак 180 иншооти дорои аҳамияти иқтисодиву ҷамъиятӣ бунёду навсозӣ мегардад. Аз ҷумла, сохтмони 8 бинои маъмурӣ, 8 муассисаи таълимӣ, 6 табобатӣ, 5 варзишӣ, 2 фарҳангӣ, 20 корхонаву коргоҳҳои саноатӣ ва 131 иншооти хизматрасониву маишӣ, истиқоматӣ, кишоварзӣ, фароғатӣ ва савдо ба нақша гирифта шудааст, хабар доданд ба АМИТ «Ховар» дар мақомоти иҷроияи ҳокимияти давлатии шаҳри Норак.

«То имрӯз дар 120 иншооти гуногун корҳои сохтмонию навсозӣ оғоз ёфта, аз ҷониби соҳибкорони ватанӣ 14 иншоот, як корхонаи истеҳсоли қуму шағал, хатти оби нӯшокӣ ба дарозии 2,5 километр, Муассисаи томактабии № 9 дар маҳаллаи Тутқавули деҳоти Пули Сангин, ки аз соли 1990 то инҷониб фаъолият намекард, навсозӣ шуда, мавриди истифода қарор гирифт. Аз тарафи соҳибкорон Муҳиддин Табаров ва Ҷамшед Раҳимов сохтмони ду меҳмонхона ба анҷом расида, корҳои ободонии гирду атрофи онҳо идома доранд. Навсозии кӯли ҷавонон, боғи фарҳангию фароғатии шаҳр, терминали хизматрасонии «Бурс», сохтмони пули мошингузар дар маҳаллаи Даҳана, бозор дар минтақаи манзилии № 4, майдони варзишии марказӣ барои 10 000 ҷойи нишаст, майдончаи варзиш дар маҳаллаи Сари Боло, панҷ бинои 4-ошёна дар маҳаллаи Дуконӣ, бинои кинотеатри «Вахш», бинои 6-ошёна дар минтақаи манзилии № 2, бинои 7-ошёна, дар доираи лоиҳаи беҳтаркунии хизматрасонии тиббӣ ба модару кӯдак ва муассисаи томактабӣ дар қисми ҳарбии 52168 оғоз гардида, босуръат идома дорад», — афзуд манбаъ.

Тибқи маълумоти оморӣ, ҳоло дар ҳудуди шаҳр 17 корхонаи саноатӣ фаъолият дошта, маҷмӯи маҳсулоти саноатӣ дар нуҳ моҳи соли 2022 ба 1 миллиарду 280 миллион сомонӣ баробар гардидааст, ки нисбат ба ҳамин давраи соли 2021-ум 61 миллион сомонӣ зиёд мебошад.

Тибқи иттилои масъулини бахши меъморӣ, то ҷашни 35-солагии Истиқлоли давлатӣ аз тарафи соҳибкорони маҳаллӣ корхонаҳои истеҳсоли қуму шағал, хишти пухта, микросемент, сангҳои ороишӣ ва гипсокартон, коргоҳи истеҳсолии шарбати анору басту банди он, коргоҳи дӯзандагӣ ва васли марҳилаи сеюми коргоҳи истеҳсоли таҷҳизоти металлӣ дар корхонаи гидромехсаноати ҶСК «Тоҷикгидромантаж» дар шаҳри Норак сохта ба истифода дода мешаванд.Баробари бунёди ин корхонаҳои саноатӣ садҳо нафар сокинони маҳаллӣ бо ҷойи кори доимӣ таъмин мегарданд.

Мавриди ёдоварист, ки дар шаҳри Норак ҷиҳати таҷлили сазовори ҷашни 30-солагии Истиқлолияти давлатӣ 206 иншооти иҷтимоиву иқтисодӣ бунёду навсозӣ гардид.

Рухсораи НУР,
АМИТ «Ховар»

АКС: манбаъҳои боз

Октябрь 25, 2022 10:06

Хабарҳои дигари ин бахш

Дар шаҳри Хоруғ корхонаи истеҳсоли ҳасиб бунёд мегардад
35-СОЛАГИИ ИСТИҚЛОЛИ ДАВЛАТӢ. Имсол дар ноҳияи Шамсиддини Шоҳин 41 иншоот ба истифода дода мешавад
Дар шаҳри Ҳисор бо иштироки муовини Сарвазири Тоҷикистон иншооти гуногуни ҷашнӣ ба истифода дода шуд
Бахшида ба 35-солагии Истиқлоли давлатӣ дар Кушониён синфхонаҳои иловагӣ ба истифода дода шуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
Дар ноҳияи Шаҳринав бинои нави шуъбаи рентгенӣ ба истифода дода шуд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
Бахшида ба ҷашни Наврӯз дар ноҳияи Рӯдакӣ ду бунгоҳи тиббӣ ба истифода дода шуд
Дар шаҳри Турсунзода бахшида ба Ҷашни байналмилалии Наврӯз як қатор иншоот мавриди истифода қарор гирифт
Дар Агентии амнияти химиявӣ, биологӣ, ядроӣ ва радиатсионӣ майдончаи варзишӣ ифтитоҳ гардид
Дар шаҳри Турсунзода майдончаи варзишӣ ва Маркази саломатии деҳоти «Чинор» ифтитоҳ гардид
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд