БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Дар Панҷакент коргоҳи истеҳсоли мис бо беш аз 200 ҷои кор ба истифода дода мешавад
ДУШАНБЕ, 10.10.2022 /АМИТ «Ховар»/. Ба шарафи ҷашни бузурги миллӣ- 35-солагии Истиқлолияти давлатии Ҷумҳурии Тоҷикистон дар ҶДММ КМ «Зарафшон»-и шаҳри Панҷакент коргоҳи истеҳсоли мис, ки ҳоло сохтмонаш идома дорад, ба истифода дода шуда, дар он беш аз 200 нафар бо ҷои кор ва маоши баланд таъмин карда мешаванд. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Панҷакент хабар медиҳад.
Дар шаҳри Панҷакент бунёди беш аз ҳазор иншооти таъйиноти гуногун пешбинӣ шуда, давоми нуҳ моҳи гузашта 96 иншоот мавриди истифода қарор гирифтанд.
Намояндаи Ҳукумати Ҷумҳурии Тоҷикистон, Президенти Академияи миллии илмҳои Ҷумҳурӣ Фарҳод Раҳимӣ зимни боздид аз шаҳр ҳамроҳ бо муовини Раиси вилояти Суғд Зариф Мирдадо ва Раиси шаҳр Абдухолиқ Холиқзода аз якчанд иншооти бунёдшаванда ва коргоҳҳо дидан намуданд.
Онҳо дар хиёбони Рӯдакии шаҳр бо ҷараёни бунёди биноҳои баландошёна шинос шуданд. Ҳамзамон бо бинокорон суҳбат карда, ба соҳибкорон барои ин иқдоми шоиста изҳори сипос намуданд. Зимнан, ҳоло дар шаҳр аз ҷониби соҳибкорон 9 бинои истиқоматии баландошёна бо марказҳои тиҷоратию истеҳсолӣ бунёд мешаванд.
Боздид аз коргоҳи хусусии истеҳсоли хиштҳои ороишӣ, ки сокини деҳаи Чинор Ҷурабой Ғаффоров дар ҳавлиаш бунёд намуда, маҳсулоташ аллакай харидорони зиёд пайдо кардааст, таассуроти нек гузошт. Мақомоти иҷроияи ҳокимияти давлатии шаҳр ба ӯ барои васеъ намудани коргоҳ ва зиёд кардани истеҳсоли маҳсулот замин ҷудо намудааст. Дар бинои нави муассисаи таҳсилоти умумии деҳаи Бӯстондеҳи Саразм, ки бо дастгирии мақомоти иҷроияи маҳалии ҳокимияти давлатии шаҳр аз тариқи ҳашар бунёд шудааст, корҳои охирини омодагӣ барои пазироии хонандагон ҷараён доранд.
Ҳамчунин бо дастгирии созмони ЮНИСЕФ ва мақомоти иҷроияи ҳокимияти давлатии шаҳр таъмиру таҷдиди беморхонаи амрози сироятии шаҳр идома дорад.
Фарҳод Раҳимӣ ва ҳамроҳонаш ҳамчунин аз ҶСП «Мармари Зарафшон», ки дубора ба кор шурӯъ намудааст, сардхонаҳои соҳибкорон Қурбонов ва Шокир Азизмуродов дар Ҷамоати деҳоти Лоиқ Шералӣ, ки онҷо ҳоло себу ангур нигоҳдорӣ мешаванд, бунёди меҳмонхонаи нав дар маркази тиҷоратии «Ашан»-и деҳаи Ғӯсар дидан намуда, ба ин иқдоми онҳо баҳои баланд доданд.
АКС: мақомоти иҷроияи ҳокимияти давлатии шаҳри Панҷакент
Дар Тоҷикистон беш аз 19 ҳазор тонна гӯшти паранда истеҳсол гардидааст
Дар ноҳияи Ҷалолиддини Балхӣ пахтачинӣ оғоз ёфт
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
Ба ифтихори 35-солагии Истиқлоли давлатӣ дар Ҳисор 1127 иншооти гуногун ба истифода дода шуд
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
