Дар Маркази ҷумҳуриявии барқарорсозии бемории дил дар Муъминобод 1439 нафар ба ташхису табобат фаро гирифта шуданд
МУЪМИНОБОД, 30.10.2022 /АМИТ «Ховар»/. Дар 9 моҳи соли равон дар Муассисаи давлатии «Маркази ҷумҳуриявии барқарорсозии бемории дил» дар ноҳияи Муъминобод 1439 нафар ба ташхису табобат фаро гирифта шудаанд. Шумораи беморони бистаришуда нишон медиҳад, ки аксари беморон аз 35 то 55-сола мебошанд. Муассиса бо тамоми таҷҳизоти зарурии тиббӣ таъмин буда, зиёда аз 45 нафар табиб ба беморон хизмат мерасонанд, ки аксари онҳо маълумоти олии тиббӣ доранд.
Муовини сардухтур Сабзаалӣ Бозоров ба хабарнигори минтақавии АМИТ «Ховар» иттилоъ дод, ки дар ин муассиса бемориҳои ишемиявии дил, фишорбаландӣ, дарди буғумҳо ва дигар бемориҳо муолиҷа карда мешаванд. Дар беморхона беморон аз вилояти Суғд, Бадахшон, шаҳри Душанбе, ноҳияҳои Ҳамадонӣ, Ховалинг, шаҳри Леваканд ва дигар ноҳияҳои дурдаст мувофиқи муроҷиаташон бистарӣ карда шуда, табобат мегиранд.
Муассисаи мазкур ба давраи тирамоҳу зимистони солҳои 2022-2023 ҳамаҷониба омода буда, дорои зиёда аз 100 адад печҳои буғӣ ва барқӣ мебошад.
Ёдовар мешавем, ки Муассисаи давлатии «Маркази ҷумҳуриявии барқарорсозии бемориҳои дил» дар ноҳияи Муъминобод соли 2019 бо иштироки Президенти Ҷумҳурии Тоҷикистон муҳтарам Эмомалӣ Раҳмон ба истифода дода шуд. Фаъолияти он аз соли 2020 шурӯъ гардида, то имрӯз беш 2500 нафар шаҳрвандон саломатии хешро дар ин муассиса барқарор кардаанд.
АКС: АМИТ «Ховар»
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
Бонки Осиёи Рушд бо мақсади фарогирии хизматрасонии босифати тиббӣ ба ноҳияҳои таҷрибавӣ — Дарвоз, Данғара ва Айнӣ маблағи иловагӣ ҷудо менамояд
Намояндаи Тоҷикистон дар машварати байналмилалӣ дар шаҳри Ню-Йорк иштирок дорад
Дар Хатлон ҳамкорӣ бо шарикони рушд дар соҳаҳои мухталифи иҷтимоӣ баррасӣ гардид
