Дар Тоҷикистон истеҳсоли чипс аз хурмо ба роҳ монда шуд

Октябрь 20, 2022 08:39

ДУШАНБЕ, 20.10.2022 /АМИТ «Ховар»/. Дар Кооперативи истеҳсолии «Беҳбудӣ»-и ноҳияҳои Кӯшониён аз меваи хурмо чипси хушсифат истеҳсол менамоянд, иттилоъ доданд ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон.

Дар минтақаи Бохтари вилояти Хатлон бори нахуст аз хурмо чипс истеҳсол карда мешавад. Дар назар аст, ки чипси хурмо ба бозорҳои истеъмолии мамлакат ва хориҷи кишвар дастрас гардад. Зеро он бо таъм ва сифати хуби худ фарқ мекунад.

Дар айни замон дар Тоҷикистон фасли ҷамъовари хурмо ҷараён дорад. Хурмо дар таркиби худ витаминҳои A, C ва P, микроэлементҳо, қанд, сафедаҳо, кислотаи лимӯӣ ва дигар моддаҳои биологии фаъол дорад. Агар меваи пухтаи хурморо дар ҷойи муътадил нигоҳ доред, то 4-5 моҳ хусусияти худро гум намекунад. Хоку иқлими Тоҷикистон барои парвариши хурмо мусоид буда, солҳои охир хурмопарварӣ хеле вусъат ёфтааст.

Солҳои охир дар Тоҷикистон хушконидани мева ва истеҳсоли чипс аз меваҳо низ ба роҳ монда шудааст.

7 сентябри соли 2021 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Дарвоз се корхонаи нави истеҳсолӣ, аз ҷумла Ҷамъияти дорои масъулияти маҳдуди «Меваҳои Бадахшон»-ро ба истифода доданд. Самти асосии фаъолияти ин корхона коркард ва банду басти меваю сабзавот ва истеҳсоли чипс буда, маҳсулоти ниҳоӣ баробари таъмини бозори дохилӣ ба хориҷи кишвар низ содирот карда мешавад. Инчунин дар ин корхона дар марҳилаи аввал 9 навъи маҳсулот, аз ҷумла 4 намуди чипс аз лаблабу, сабзӣ, нок ва себ ва 5 намуди маҳусулоти серғизою болаззат аз мева истеҳсол карда мешавад.

АКС аз манбаъҳои боз

Октябрь 20, 2022 08:39

Хабарҳои дигари ин бахш

Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
«Тоҷик Эйр» дар масири Душанбе-Ванҷ-Душанбе аввалин парвози ҳавоиро анҷом дод
Масъалаҳои муҳими марбут ба пешгирии хавфҳои ҷойдошта дар ҷаласаи Шурои комплаенс баррасӣ гардиданд
Дар шаҳри Истаравшан 20 навъи ангур парвариш меёбад