Миёни Тоҷикистон ва Россия лоиҳаи созишномаи ҳамкорӣ дар соҳаи тиб омода шудааст
ДУШАНБЕ, 19.10.2022 /АМИТ «Ховар»/. Вазоратҳои тандурустии Федератсияи Россия ва Тоҷикистон тарҳи созишнома миёни ҳукуматҳои ду кишвар дар бораи ҳамкорӣ дар соҳаи тандурустӣ, маориф ва илмро омода кардаанд. Дар ин бора ба ТАСС рӯзи ҷумъа дар дафтари матбуоти департаменти Россия бо истинод ба Вазири тандурустии Россия Михаил Мурашко хабар доданд.
«Михаил Мурашко ҳамчунин эълон кард, ки Вазорати тандурустии Федератсияи Россия дар якҷоягӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон лоиҳаи созишнома миёни Ҳукумати Федератсияи Россия ва Ҳукумати Ҷумҳурии Тоҷикистонро оид ба ҳамкорӣ дар соҳаи тандурустӣ, маорифи тиб ва илм омода кардааст», — гуфта мешавад дар иттилоия.
Ба гуфтаи вазир, донишгоҳҳои тиббии Россия ба қабули донишҷӯён аз Тоҷикистон омодаанд. Ба ғайр аз ин Мурашко пешниҳод намуд, ки дар муассисаҳои таълимӣ ва илмии тобеи Вазорати тандурустии Россия таҷрибаомӯзии шаклҳои гуногун ташкил карда шавад.
Ба иттилои Вазорати тандурустии Федератсияи Россия, дар муассисаҳои таълимии тобеи кишвар 2076 нафар шаҳрвандони Тоҷикистон дар бахшҳои бакалавр, мутахассис ва магистратура таҳсил мекунанд, ки нисбат ба панҷ соли пеш қариб 40 фоиз бештар аст.
АКС: Агентии «Москва»
Ташаббусҳои байналмилалии Тоҷикистон дар мавзуи обу иқлим баланд арзёбӣ гардиданд
Дар Душанбе конфронси байналмилалӣ оид ба мубориза бо терроризм доир шуд
Дар Душанбе машваратҳои сиёсии Тоҷикистон ва Туркманистон баргузор шуданд
Сафири Тоҷикистон бо Раиси Палатаи савдо ва саноати Абузабӣ мулоқот намуд
Масъалаи сармоягузорӣ байни Тоҷикистон ва Арабистони Саудӣ баррасӣ гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
Таҷлили Рӯзи Президенти Ҷумҳурии Тоҷикистон дар шаҳри Москва
Сафири Тоҷикистон бо Вазири энергетика ва инфрасохтори Амороти Муттаҳидаи Араб мулоқот намуд
Сафири Тоҷикистон бо Вазири тағйирёбии иқлим ва муҳити зисти Амороти Муттаҳидаи Араб мулоқот намуд
Таҷлили Рӯзи Президенти Тоҷикистон ва солгарди Иҷлосияи XVI Шурои Олӣ дар шаҳри Бокуи Озарбойҷон
Таҷлили Рӯзи Президенти Ҷумҳурии Тоҷикистон дар Туркманистон
Дар Кувайт ҷашнҳои давлатӣ ва муҳими Тоҷикистон таҷлил карда шуданд
