РАВАНДИ ОБИ ДУШАНБЕ. Конфронси дарпешистодаи СММ оид ба об 2023-раванди такондиҳанда барои рушди устувор
ДУШАНБЕ, 06.10.2022 /АМИТ «Ховар»/. Ҳадафи конфронси оби СММ дар соли 2023- ин, пеш аз ҳама, андешидани амалҳои муштарак ҷиҳати ноил шудан ба нақшаҳое, ки дар сатҳи байналмилалӣ оид ба об тасдиқ шудаанд, ба шумор меравад. Ҷумҳурии Тоҷикистон ва Шоҳигарии Нидерланд ба ҳайси ҳамраиси конфронс, UNDESA ва СММ-Об ҳамчун котибони чорабинии мазкур ҳадаф доранд, ки Конфронси Оби СММ-2023-ро ба нуқтаи даврие табдил диҳанд, ки тамоми ҷаҳонро барои ноил шудан ба ҳадафҳои об муттаҳид карда тавонад. Чунин ибрози андеша намудааст намояндаи Ҷумҳурии Тоҷикистон дар Кумитаи иҷроияи Хазинаи байналмилалии наҷоти Арал, узви гурӯҳи корӣ оид ба омодагӣ ва баргузории Конфронси СММ оид ба захираҳои об дар соли 2023 Саноӣ БОЙЗОДА зимни суҳбат бо мухбири АМИТ «Ховар», ки шакли пурраи онро метавонед дар инҷо пурра мутолиа намоед.
Ба гуфти Саноӣ Бойзода, конфронси дарпешистода тавассути пешбурди қарорҳое, ки бо роҳи далелҳои илман асоснок ба даст оварда шудаанд, такмил додани дониш ва таълим, нишон додани муносибатҳои шарикии муваффақона, фаъолияти таблиғӣ- иттилоотии амалкардҳои шабакавӣ ба роҳ монда мешавад. Он имкон медиҳад, то ҳамкорӣ ва шарикӣ дар сатҳҳои гуногун мустаҳкам карда шавад.
Ҳадафи Даҳсолаи байналмилалии амал «Об барои рушди устувор»- ин беҳтар намудани ҳамкорӣ, шарикӣ, рушди иқтидор ва фаъолгардонии амалҳои ҷавобӣ ба Рӯзномаи СММ барои рушди устувор то соли 2030 мебошад.
«Об метавонад шарикони гуногунро ҳамчун манбаи маҳдуд ё ҳатто манбаи низоъҳо аз ҳам ҷудо созад, аммо об инчунин ҳамаи моро ба ҳам сарҷамъ меорад ва тавассути ҳамкории фарогир муносиботи шарикӣ эҷод мекунад. Барои ба роҳ мондани ин ҳамкории мутақобилан судманд ва таъмини амнияти об барои аҳли сайёра ба мо механизмҳои муассиртар – идоракунии об, маблағгузорӣ, арзёбӣ ва ҳамкорӣ зарур мешаванд»,-изҳор медорад С.Бойзода.
АКС аз бойгонии шахсии Саноӣ Бойзода
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
