Ҳунармандони тоҷик дар «Фестивали атлас» дар Марғелон иштирок намуданд
ДУШАНБЕ, 26.10.2022 /АМИТ «Ховар»/. Қариб бист нафар ҳунармандони соҳаи атласу адрас ва матоъи Тоҷикистон дар радифи намояндагони 20 кишвари ҷаҳон дар Фестивали панҷуми байналмилалии «Аtlas Bayrami» /«Фестивали атлас»/, ки дар шаҳри Марғелони Узбекистон доир гардид, иштирок намуданд.
Мудири корхонаи ҳунарҳои мардумӣ — «Деҳаи Гулзор» Нигина Икромӣ, ки дар ин фестивал иштирок дошт, дар суҳбат ба хабарнигори АМИТ «Ховар» гуфт, ки «Фестивали атлас» бо ташаббуси Вазорати туризм ва мероси фарҳангии Узбекистон, Комиссияи миллӣ оид ба корҳои ЮНЕСКО ва Хазинаи нуфуси СММ, Ассотсиатсияи «Ҳунарманд», Ҳокимияти вилояти Фарғона ва шаҳри Марғелон гузаронида шуда, ҳадафаш ҳифзи мероси фарҳангӣ дар соҳаи нассоҷии анъанавӣ ва рушди соҳаи ҳунарҳои дастӣ мебошад.
Дар доираи фестивал намоиши маҳсулоти дастии ҳунармандон доир гардид. Ҳунармандони тоҷик дар бахши адрасу атласбофӣ, читгарӣ, сӯзанидӯзӣ, инчунин пиллапарварӣ ва тарроҳии либоси атласу адрас маҳсули ҳунари худро ба намоиш гузошта, муаррифӣ намуданд.
Инчунин дар чаҳорчӯби фестивал дар шаҳри Марғелон Осорхонаи таърихӣ ифтитоҳ гардид, ки дар он маҳсули дастии хунармандон аз тамоми ҷаҳон ба намоиш гузошта шуд. Аз Тоҷикистон маҳсули ҳунари устои читгар Мирамин Саидов муаррифӣ гардида, бо Ҷоизаи «Фестивали атлас» сарфароз гардонида шуд.
Ҳамзамон дар ҳошияи «Фестивали атлас» вохӯрии B2B миёни ҳунармандони Тоҷикистон ва Узбекистон дар соҳаи атласу адрас ва пилла баргузор гардид, ки ба рушди ҳамкории минбаъдаи ҳунармандони ду кишвари ҳамҷавор мусоидат менамояд.
АКС аз манбаъҳои боз
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
