Вазири фарҳанги Тоҷикистон дар Эрон якчанд мулоқот анҷом дод
ДУШАНБЕ, 07.10.2022 /АМИТ «Ховар»/. Вазири фарҳанги Ҷумҳурии Тоҷикистон Зулфия Давлатзода бо Вазири фарҳанг ва иршоди исломии Ҷумҳурии Исломии Эрон Муҳаммад Меҳдии Исмоилӣ мулоқот намуд, иттилоъ доданд ба АМИТ «Ховар» дар маркази матбуоти Вазорати фарҳанги мамлакат.
Ин мулоқот дар доираи Рӯзҳои фарҳанги Ҷумҳурии Тоҷикистон дар Ҷумҳурии Исломии Эрон, ки аз 3 то 9 октябр доир мегардад, сурат гирифт.
Ҳамкории фарҳангӣ миёни ду кишвар сол то сол густариш ёфта, адибон, ҳунармандон ва аҳли фарҳанги ҷонибҳо дар чорабиниҳои ҳарду кишвар иштирок менамоянд.
Ҳамчунин Вазири фарҳанги Ҷумҳурии Тоҷикистон бо муовини Раиси Ҷумҳурии Исломии Эрон оид ба корҳои занон ва оила хонум, доктор Унсия Хазъалӣ доир гардид, ки ба мавзӯи занон ва оила, ҳамкорӣ дар ин самт бахшида шуд.
Вазири фарҳанги Ҷумҳурии Тоҷикистон ҳамчунни аз Вазорати фарҳанг ва иршоди исломии Ҷумҳурии Исломии Эрон ва Китобхонаи Фарҳангистони ҳунари ин кишвар боздид намуд.
Ёдовар мешавем, ки 3 октябр дар Муҷтамаи фарҳангии Аббосободи шаҳри Теҳрон маросими бошукӯҳи ифтитоҳи Рӯзҳои фарҳанги Ҷумҳурии Тоҷикистон бо иштироки шахсиятҳои намоёни сиёсӣ ва аҳли адабу фарҳанги шаҳри Теҳрон баргузор гардид.
Маросимро Вазири фарҳанги Ҷумҳурии Тоҷикистон Зулфия Давлатзода ва Вазири фарҳанг ва иршоди исломии Ҷумҳурии Исломии Эрон Муҳаммадмеҳдии Исмоилӣ ҳусни оғоз бахшиданд. Сипас барномаи ҳунарии шеъру суруд доир шуд, ки аз ҷониби иштирокдорон хуб пазироӣ гардид.
Инчунин намоиши аксҳо ва мусаввараҳо, ҳунарҳои мардумӣ, либосҳои миллии Тоҷикистон доир шуд. Меҳмонони Рӯзҳои фарҳангиро бо меваю шириниҳои тоҷикӣ пешвоз гирифтанд.
Дар доираи Рӯзҳои фарҳангии Ҷумҳурии Тоҷикистон, ки як ҳафта идома меёбад, дар назар аст намоиши театрии «Дирафши Ковиёнӣ», ки аз ҷониби Театри ҷавонони ба номи Маҳмудҷон Воҳидов омода шудааст, барномаҳои консертии ҳунармандони маъруфи тоҷик, «Шаби назм» бо ширкати шоирони тоҷик ва ҳузури адибони эронӣ, намоиши филмҳои «Муаллим» ва «Роҳ»-и коргардони тоҷик Носир Саидов дар шаҳрҳои Шерозу Табрез пешниҳод гарданд.
АКС: Вазорати фарҳанги ҶТ
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
