Ҳайати Тоҷикистон дар Ҳафтаи 7-уми оби Ҳиндустон «7th India Water Week» иштирок дорад
ДУШАНБЕ, 04.11.2022 /АМИТ «Ховар»/. 1 ноябр дар шаҳри Ноидаи Ҳиндустон Ҳафтаи 7-уми оби Ҳиндустон «7th India Water Week» дар мавзӯи «Амнияти об барои рушди устувор дар асоси баробарӣ» оғоз гардид, ки дар он ҳайати Тоҷикистон низ иштирок дорад, хабар медиҳад АМИТ «Ховар» бо истинод ба Сафорати Тоҷикистон дар Ҳиндустон.
Дар маросими ифтитоҳи чорабинӣ Президенти Ҳиндустон ва дигар намояндагони воломақоми кишвар ширкат варзиданд.
Ҳайати Тоҷикистонро муовини аввали Вазири энергетика ва захираҳои оби ҷумҳурӣ Ҷамшед Шоимзода роҳбарӣ менамояд.
Ҷамшед Шоимзода зимни суханронӣ дар ҷаласаи пленарӣ пешрафту мушкилот дар соҳаи об ва нақши муҳими обро дар рушди устувори ҷомеа таъкид намуд. Бавижа, муовини аввали Вазир аҳамияти Конфронси СММ оид ба бознигарии миёнамуддати Даҳсолаи байналмилалии амал «Об барои рушди устувор, 2018-2028»-ро дар ҳалли масоилу мушкилоти соҳаи об тазаккур кард.
Дар ҳошияи Ҳафтаи оби Ҳиндустон (IWW) ҳамоишҳои гуногун дар шакли семинарҳо, ҷаласаҳои панелӣ, иҷлосияҳои махсус ва намоишгоҳи технологияҳо, навтарин коркардҳо ва қарорҳои дастрас дар соҳаҳои гуногуни марбут ба амнияти об баргузор гардиданд.
Дар ҳошияи Ҳафтаи оби Ҳиндустон (IWW) Ҷамшед Шоимзода бо Вазири захираҳои оби Ҳиндустон Гаҷендра Сингҳ Шекхават ва Дабири кулли Комиссияи байналмилалӣ оид ба обёрӣ ва заҳбур Ашвин Пандая доир гардид.
Зимни мулоқот роҳу имконот дар тақвияти ҳамкории муфид дар соҳаи мудирияти захираҳои об муҳокима гардиданд.
АКС: Сафорати Тоҷикистон дар Ҳиндустон
Сафири Тоҷикистон ба Президенти Австрия эътимоднома супорид
Намояндаи доимии Тоҷикистон бо иҷрокунандаи вазифаи директори генералии дафтари СММ дар Вена мулоқот намуд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишҳоро ба харҷ медиҳад
Мудири Барномаи рушди Созмони Милали Муттаҳид ба Конфронси 4-уми оби Душанбе даъват шуд
Дар Ню-Йорк нақши ташаббусҳои Тоҷикистон дар платформаҳои сиёсии ҷаҳонӣ баррасӣ гардид
Сафири Тоҷикистон бо муовини Вазири корҳои хориҷии Миср мулоқот намуд
Муовини Сарвазири Тоҷикистон дар Форуми ҷаҳонии парасторон дар шаҳри Мадрид иштирок намуд
Дар Душанбе рушди муносибатҳои дуҷонибаи Тоҷикистону Чин баррасӣ гардид
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
