Байден оид ба натиҷаи интихобот дар Конгресс изҳорот дод

ДУШАНБЕ, 10.11.2022 /АМИТ «Ховар»/. Президенти ИМА Ҷо Байден изҳор кард, ки дар интихоботи миёндавраи Конгресси Амрико ҳеҷ гуна мудохила сурат нагирифтааст. Дар ин бора вай зимни суханронӣ дар бораи натиҷаи раванди интихобот иброз намуд.

«Дар иёлатҳои саросари мамлакат иштироки рекордии овоздиҳандагонро мушоҳида карданд. Дилу ҷони демократияи мо -интихобкунандагон, кормандони участкаҳои интихоботӣ ва кормандони комиссияҳои интихоботӣ мебошанд. Онҳо кори худро иҷро намуданд, вазифаҳои худро аслан бе ягон дахолат иҷро карданд», — гуфт Байден.

Ба баҳогузории ӯ, натиҷаи интихобот нишон медиҳад, ки амрикоиҳо аз вазъи феълии мамлакат ноумед шудаанд. Байден инчунин Украинаро зикр кард. Вай изҳори умедворӣ кард, ки мавқеъгирии Вашингтон доир ба Киев пас аз интихоботи Конгресс тағйир нахоҳад ёфт.

Интихоботи миёндавраии Амрико рӯзи сешанбеи 8 ноябр баргузор шуд. Интихобкунандагон бояд тамоми палатаи намояндагон ва сеяки Сенатро интихоб мекарданд. Аз 50 иёлат дар 36-тои он интихоботи губернаторӣ баргузор шуд. Ҳизби ҷумҳуриявӣ, ки онро президенти вақти ИМА Доналд Трамп намояндагӣ мекунад, имкон дорад назорати ҳарду палатаи Конгрессро дубора ба даст орад.

Лайф тазаккур дод, ки Трамп қаблан изҳорот дода буд. Ӯ натиҷаи интихоботро пирӯзии бузург барои худ номид, ҳарчанд дар маҷмӯъ «то андозае ноумедкунанда» аст.

София ШОИК,
АМИТ «Ховар»

АКС: Reuters