Бори нахуст ширкатҳои дӯзандагии Тоҷикистон маҳсулоти худро дар «ISPO-Munich» ба намоиш мегузоранд

Ноябрь 29, 2022 11:06

ДУШАНБЕ, 29.11.2022 /АМИТ «Ховар»/. Бори нахуст ширкатҳои дӯзандагии Тоҷикистон, назири «Ваҳдат Текстил», «Гулистони Душанбе», «Ноҳид» ва «Раҳимов A.A.» маҳсулоти варзишии худро дар «ISPO Munich»-и Олмон, ки бузургтарин намоишгоҳи маҳсулот ва либоси варзишӣ дар ҷаҳон маҳсуб мешавад, ба намоиш мегузоранд. Дар ин бора АМИТ «Ховар» бо истинод ба Маркази тиҷорати байналмилалӣ /МТБ/ иттилоъ медиҳад.

Чор ширкати дӯзандагии Тоҷикистон дар радифи беш аз 1500 ширкати дӯзандагӣ аз саросари ҷаҳон дар бузургтарин намоишгоҳи тиҷорати варзишӣ – Internationale Fachmesse für Sportartikel und Sportmode (ISPO), ки аз 28 тo 30 ноябри соли 2022 дар шаҳри Мюнхени Олмон баргузор мегардад, иштирок намуда, маҳсулоти худро, ки аз ҷӯробҳои варзишӣ, футболка ва поло, либоси муҳорибаҳои танбатан- кимоно, либоси муштзанӣ, кафшҳои муҳорибавӣ, либоси махсуси дастаҳои варзишӣ, жемпер ва костюмҳои варзишӣ, бастаҳои либосҳои варзишӣ ва ғайра иборатанд, ба намоиш мегузоранд. Намояндагони ширкатҳои дӯзандагтии Тоҷикистон инчунин бо муосиртарин таҷҳизот, пойафзол ва либоси варзишии истеҳсоли брендҳои маъруфи ҷаҳонӣ ва бо тамоюлоти пешқадамтарини соҳаи варзиш ва тандурустию фитнес дар дунё шинос мешаванд.

Дар соли 2020 МТБ ва GIZ муштаракан боздиди шиносоии ширкатҳои тоҷикро аз ин намоишгоҳ ташкил карда буданд ва ҳоло ширкатҳои Тоҷикистон ба намоишгоҳи Мюнхен барои иштирок бо маҳсулоти худ ташриф овардаанд. Онҳо умедворанд, ки намоишгоҳ пойгоҳи муҳимме барои робитаҳои нахустин бо брендҳои варзишӣ ва харидорони аврупоӣ мегардад.

«ISPO Munich» намоишгоҳи тиҷоратии B2B (тамоси мустақими бизнес бо бизнес) буда, миёни коршиносони тиҷорати варзишӣ ҳамчун муҳимтарин чорабинии соҳа эътироф гардидааст. Аз ин рӯ, ин намоишгоҳ пойгоҳи муҳими роҳандозии робитаҳои тиҷоратӣ дар сатҳи ҷаҳонӣ мебошад. Феълан, бархе аз истеҳсолгарони либосҳои варзишии Тоҷикистон бо брендҳои маъруфи олами варзиш ва шабакаҳои чаканафурӯшӣ, ба монанди Greenhill ва Decathlon кор мекунанд. Дар қадами баъдӣ ширкатҳои тоҷик мехоҳанд мустақиман бо брендҳои варзишӣ робита барқарор карда, доираи муштариёнашонро фарохтар созанд.

Маркази тиҷорати байналмилалӣ (МТБ) бар ин бовар аст, ки иштирок дар намоишгоҳҳои байналмилалӣ барои корхонаҳои ҳамкори лоиҳа ҷиҳати рақобатпазирии бештар дар бозорҳои минтақавӣ, барқарор кардани робитаҳои нави тиҷоратӣ, дастрасӣ ба бозорҳои аврупоӣ ва бозорҳои дигар, дарёфти маълумоти нав доир ба соҳа ва талаботи бозори ҷаҳонӣ имконияти фаровон фароҳам меорад. Ин гуна сафарҳои корӣ барои гуногунсозии бозори содирот низ муҳиманд.

АКС аз манбаъҳои боз

Ноябрь 29, 2022 11:06

Хабарҳои дигари ин бахш

Дар Бонки миллии Тоҷикистон масъалаи муқовимат ба қонунигардонии даромадҳои бо роҳи ҷиноят бадастоварда баррасӣ гардид
Аз ҷониби Фонди иқлими сабз маблағгузории лоиҳаи CASP+ дар Тоҷикистон дастгирӣ ёфт
Тоҷикистону Бангладеш гардиши савдоро байни ҳам бамаротиб зиёд мекунанд
Дар Душанбе ҷаласаи навбатии Комиссияи муштараки байниҳукуматии Тоҷикистон ва Қазоқистон оид ба ҳамкории иқтисодӣ баргузор шуд
МАСЛИҲАТИ МУТАХАССИС. Пиёзро чӣ тавр барои зимистон захира намоем?
Роҳбарияти шаҳри Ҳисор бо вазъи корҳои саҳро дар хоҷагиҳои кишоваразии Ҷамоати деҳоти Навобод шинос гардид
IRS: Нуқтаҳои вазнченкунӣ вайроншавии роҳро пешгирӣ мекунанд
Дар Панҷакент Форуми минтақавии саводнокии молиявӣ баргузор шуд
Шурои Фонди иқлими сабз аккредитатсияи Маркази татбиқи лоиҳаҳои сармоягузории Кумитаи ҳифзи муҳити зистро тасдиқ намуд
Бонки ҷаҳонӣ: «Иқтисоди Тоҷикистон солҳои охир ба таври назаррас рушд ёфтааст»
Дар Душанбе таҳкими ҳамкории сармоягузорӣ ва рушди соҳибкорӣ байни Тоҷикистон ва Бангладеш баррасӣ шуд
РУШДИ САНОАТ. Имсол дар Хатлон 40 корхонаи саноатӣ таъсис ёфт