Дар Душанбе Форуми намояндагони кумитаҳои дахлдори парлумони кишварҳои аъзои Гурӯҳи Авруосиёӣ баргузор гардид
ДУШАНБЕ, 23.11.2022 /АМИТ «Ховар»/. Имрӯз дар шаҳри Душанбе дар ҳошияи ҷаласаи 37-уми пленарии Гурӯҳи Авруосиёӣ оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (ГАО) аввалин Форуми намояндагони парлумони кишварҳои аъзои ГАО баргузор гардид, иттилоъ медиҳад хабарнигори АМИТ «Ховар» Марзия САИДЗОДА.
Дар форум роҳбарону намояндагони кумитаҳои дахлдори парлумон, кумитаҳо ва комиссияҳои байниидоравӣ, мақомоти ҳифзи ҳуқуқ, инчунин воҳидҳои кашшофии молиявии давлатҳои узви ГАО ширкат варзиданд.
Дар ҷараёни форум иштирокчиён азми худро ҷиҳати такмили қонунгузории миллии кишварҳояшон бо мақсади татбиқи самараноки талаботи стандартҳои байналмилалӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом изҳор намуданд.
Ҳамзамон бо ин иштирокчиёни форум нақши ҳалкунандаи мақомоти қонунгузорро дар танзими муносибатҳои ҷамъиятиву ҳуқуқӣ иброз намуда, хоҳиши таҳкими низомҳои миллии муқовимат ба қонунигардонии даромадҳои бо роҳи ҷиноят бадастоварда ва маблағгузории терроризмро тавассути таҳия ва тасдиқи санадҳои меъёрии ҳуқуқӣ таъкид намуданд.
Бо мақсади ҳамкории минбаъда, табодули таҷриба ва таҷрибаи пешқадам оид ба татбиқи стратегияҳои миллӣ ва қабули санадҳои қонунгузорӣ оид ба мубориза бо ин зуҳуроти номатлуб иштирокчиёни форум ташаббуси идомаи кори муштаракро дар чунин сатҳи бисёрҷониба ба таври мунтазам дастгирӣ намуданд.
ГАО яке аз гурӯҳҳои минтақавӣ ба монанди Гурӯҳи татбиқи чораҳои молиявии зидди пулшӯӣ, яъне ФАТФ буда, соли 2004 таъсис ёфтааст.
Мақсади асосии гурӯҳи мазкур мусоидат ба таҳкими низоми миллии муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар кишварҳои аъзо ва минтақа буда, нуҳ давлат: Россия, Беларус, Тоҷикистон, Қазоқистон, Узбекистон, Қирғизистон, Туркманистон, Чин ва Ҳиндустон ба он шомил мебошанд.
АКС: АМИТ «Ховар»
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
Хуршед Каримзода дар ҳамоиши байналмилалии «Такмили экосистемаи ҷаҳонии савдо» дар Корея иштирок намуд
