Дар Москва ҷаласаи котибони шӯроҳои амнияти давлатҳои иштирокчии ИДМ доир шуд
ДУШАНБЕ, 04.11.2022 /АМИТ «Ховар»/. Дирӯз, 3 ноябр дар шаҳри Москва ҷаласаи даҳуми котибони шӯроҳои амнияти давлатҳои иштирокчии ИДМ баргузор гардид. Дар он Котиби Шӯрои амнияти Ҷумҳурии Тоҷикистон Насрулло Маҳмудзода иштирок намуд, хабар медиҳад АМИТ «Ховар» бо истинод ба хадамоти матбуоти Кумитаи иҷроияи ИДМ.
Диққати махсус ба масъалаҳои муқовимат ба таҳдидҳо ба амнияти давлатҳои иштирокчии ИДМ, ки дар натиҷаи фаъолияти созмонҳои террористии байналмилалӣ дар қаламрави Афғонистон ба вуҷуд омадаанд, дода шуд.
Дар вохӯрӣ масъалаҳои муҳими амнияти минтақавӣ дар фазои ИДМ баррасӣ гардиданд. Дар маҷмӯъ чолишҳо ва таҳдидҳо ба амнияти байналмилалӣ дар шароити муосир, аз ҷумла амнияти ҳастаӣ ва радиатсионӣ баррасӣ гардиданд.
Ҳамзамон масъалаҳои фаъолияти тахрибкоронаи ташкилоти ғайридавлатӣ ва воситаҳои ахбори оммаи хориҷӣ дар қаламрави давлатҳои ИДМ мавриди баҳс қарор гирифтанд.
Ғайр аз ин, тадбирҳои мубориза бар зидди аз нав шуҳрат ёфтани фашизм ва сохтакориҳои таърих дар фазои иттилоотии ИДМ баррасӣ шуданд.
Муҳокимаи масъалаҳои рӯзнома таваҷҷуҳи шӯроҳои амнияти давлатҳои иштирокчии ИДМ-ро ба ҳамкории ҳамаҷониба дар ҳалли масъалаҳои мубрами таъмини амният нишон дод. Таклифҳои мушаххас ба миён гузошта шуданд, ки мақсад аз он вусъат додани ҳамкории давлатҳои ИДМ дар соҳаи бехатарӣ мебошад. Барои ҳамкории мақомоти салоҳиятдори кишварҳои ИДМ дар соли 2023 тадбирҳои ҳамоҳангшуда муайян карда шуданд.
Мубодилаи афкори доиршуда зарурати гузаронидани нишастҳои ҳарсолаи котибони шӯроҳои бехатарии ИДМ-ро тасдиқ намуд.
АКС: хадамоти матбуоти Кумитаи иҷроияи ИДМ
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
