Дар шаҳри Хоруғ бахшида ба 35-солагии Истиқлолияти давлатӣ 250 иншооти таъйиноти гуногун сохта мешаванд
ДУШАНБЕ, 23.11.2022 /АМИТ «Ховар»/. Дар Бадахшон оид ба баррасии масъалаҳои омодагӣ ба таҷлили ҷашни 35-солагии Истиқлолияти давлатии Ҷумҳурии Тоҷикистон ва мутобиқ гардонидани иншооти баландошёнаи ҳамшафати роҳҳои мошингарди маркази шаҳри Хоруғ ба талаботи меъморию шаҳрсозӣ ҷаласа баргузор гардид. Дар ин бора ба АМИТ «Ховар» дар Мақомоти иҷроияи ҳокимияти давлатии ВМКБ хабар доданд.
Раиси вилоят Алишер Мирзонабот зикр кард, ки дар баробари дигар корҳои ободониву созандагӣ ҷиҳати таҷлили сазовори ҷашни 35-солагии Истиқлолияти давлатӣ ба масъалаи мутобиқ намудани иншооти ҳамшафати роҳи марказӣ ба талаботи шаҳрдорӣ бояд таваҷҷуҳ зоҳир карда шавад.
«Зарур аст, ки ҳамаи биноҳо пурра таъмиру рангу бор гардида, равшаникунонии биноҳои баландошёна низ ба роҳ монда шавад»,-иброз дошт ӯ.
Раиси шаҳри Хоруғ Ризо Назарзода тазаккур дод, ки дар ин замина дар шаҳр сохтмону навсозии 250 иншооти таъйиноти гуногун, асфалткунонии 2 ҳазору 800 метр роҳҳои мошингард, чароғонкунии биноҳои баландошёна ва дигар корҳои ободониву созандагӣ ба нақша гирифта шуда, марҳила ба марҳила амалӣ мегарданд.
Раиси вилоят ба Раиси шаҳр супориш дод, ки дар ҳамкорӣ бо соҳибкорони шаҳр раванди корҳои ободониву созандагиро вусъат бахшида, масъалаи чароғонкунонии бинову иншооти бахши хусусиро низ ҳал намояд.
Инчунин ба роҳбарони тамоми идораву муассисаҳо супориш дода шуд, ки чароғонкунонии биноҳои идораву муассисаҳояшонро то фарорасии соли нав пурра ба итмом расонанд.
Акс: МИҲД ВМКБ
Сарвари давлат Эмомалӣ Раҳмон қисми минтақавии Раёсати Вазорати корҳои дохилии Ҷумҳурии Тоҷикистон дар вилояти Хатлон оид ба гурӯҳи ноҳияҳои Кӯлобро ифтитоҳ намуданд
Пешвои миллат Эмомалӣ Раҳмон бинои Раёсати ҳифзи муҳити зист дар минтақаи Кӯлобро мавриди истифода қарор доданд
Сарвари давлат Эмомалӣ Раҳмон сафари корӣ ба шаҳри Кӯлоб ташриф оварданд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар шаҳри Панҷакент сохтмони иншооти иҷтимоӣ вусъат меёбад
Пешвои миллат Эмомалӣ Раҳмон дар ноҳияи Восеъ ба фаъолияти Маркази таълимӣ ва забономӯзии «Ориё» расман оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ боғчаи бачагонаи «Маҳдия»-ро ба истифода супориданд
Сарвари давлат Эмомалӣ Раҳмон дар ноҳияи Восеъ ба таври фосилавӣ 20 иншооти таъиноташон гуногун ва 70 километр роҳҳои маҳаллиро мавриди баҳрабардорӣ қарор доданд
Пешвои миллат Эмомалӣ Раҳмон дар ноҳияи Восеъ бинои Меҳмонхона ва Маркази хизматрасонии «Эҳсон»-ро ба истифода доданд
Дар шаҳри Москва 35-солагии Истиқлоли давлатии Тоҷикистон таҷлил намуданд
Президенти Ҷумҳурии Тоҷикистон Эмомалӣ Раҳмон дар ноҳияи Восеъ бинои Беморхонаи хусусии «Тибби Ҳулбук»-ро мавриди истифода қарор доданд
Сарвари давлат Эмомалӣ Раҳмон бо сафари корӣ ба ноҳияи Восеъ ташриф оварданд
