Дар вилояти Хатлон маркази омӯзиши забони кореягӣ таъсис меёбад

Ноябрь 30, 2022 09:33

ДУШАНБЕ, 30.11.2022. /АМИТ «Ховар»/. Дар Донишгоҳи давлатии Бохтар ба номи Носири Хусрав факулелти забони кореягӣ таъсис меёбад. Ҳамчунин дар вилояти Хатлон маркази омӯзиши забони кореягӣ ташкил карда мешавад. Бо мақсади рушди ҳамкории байниминтақавӣ, ҷалби сармояи хориҷӣ ва бунёди корхонаҳои муштарак лоиҳаи Ёддошти тафоҳум байни вилояти Хатлон ва вилояти Кангвондои Кореяи Ҷанубӣ дар ҳолати коркард қарор дорад.

Дар ин хусус зимни мулоқоти Раиси вилояти Хатлон Қурбон Ҳакимзода бо Сафири Фавқулода ва Мухтори Кореяи Ҷанубӣ дар Ҷумҳурии Тоҷикистон Квон Донг Сок, ки 29 ноябри соли равон дар толори мақомоти иҷроияи ҳокимияти давлатии вилояти Хатлон доир гардид, иттилоъ дода шуд.

Зимни вохӯрӣ Раиси вилояти Хатлон иброз дошт, ки муносибатҳои дуҷонибаи Тоҷикистону Ҷумҳурии Корея сол то сол рушд меёбанд, ки ин ба манфиати ҳар ду ҷониб буда, барои боз ҳам ривоҷ додани ҳамкорӣ дар вилоят имконоти зиёд мавҷуд аст.

Қурбон Ҳакимзода ба меҳмонон доир ба вилояти Хатлон, ки яке аз минтақаҳои калонтарин ва дорои захираю имкониятҳои васеи ҳамкорӣ дар самтҳои мухталиф мебошад, маълумот дода, гуфт, ки Мақомоти иҷроияи ҳокимияти давлатии вилояти Хатлон барои рушди соҳибкорӣ ва махсусан барои соҳибкорони хориҷӣ тамоми шароити заруриро муҳайё кардааст.

Дар идомаи суҳбат тарафҳо масъалаҳои муҳими ҳамкорӣ дар самти рушди муносибатҳои байналмилалӣ, соҳаҳои иқтисодию тиҷоратӣ, саноат ва кишоварзӣ, маориф, ҷалби соҳибкорони кореягӣ ба иқтисоди вилояти Хатлон, таҳкими муносибатҳои дӯстона байни минтақаву вилоятҳои ду кишвар, сайёҳӣ, таъсиси корхонаҳои муштарак ва дигар мавзўъҳои мавриди таваҷҷуҳро мавриди баррасӣ қарор доданд.

Сафири Фавқулода ва Мухтори Кореяи Ҷанубӣ дар Тоҷикистон Квон Донг Сок ба Ҳукумати Ҷумҳурии Тоҷикистон барои андешидани тадбирҳои амалӣ ҷиҳати рушди забони кореягӣ дар вилояти Хатлон изҳори сипос намуда, омодагии худро барои мусоидати ҳамаҷониба дар ин самт баён дошт.

АКС: Мақомоти иҷроияи ҳокимияти давлатии вилояти Хатлон

Ноябрь 30, 2022 09:33

Хабарҳои дигари ин бахш

Дар Суғд 39 нафар ғолиби Озмуни вилоятии «Хомаи созанда-2022» гардид
6 феврал «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
«ТОҶИКИСТОН-ВАТАНИ АЗИЗИ МАН». Имсол дар ин озмуни ҷумҳуриявӣ рассомон ва дизайнерон иштирок мекунанд
««ТОҶИКОН» – ОИНАИ ТАЪРИХИ МИЛЛАТ». Шоҳҷоиза барои ғолибон дар ҳар гурӯҳи ин озмуни ҷумҳуриявӣ 70 ҳазор сомонӣ пешбинӣ шудааст
Пагоҳ Кумитаи дин, танзими анъана ва ҷашну маросим, Агентии назорати маводи нашъаовар, Агентии «Тоҷикстандарт», КВД «Хоҷагии манзилию коммуналӣ» ва КВД «Тоҷиксуғурта» нишасти матбуотӣ баргузор менамоянд
Хизматчиёни давлатии Тоҷикистон дар шаҳри Беппуи Ҷопон фарҳанги миллати тоҷикро муаррифӣ карданд
Дар озмуни ҷумҳуриявии ««Тоҷикон» – оинаи таърихи миллат» иштирок менамоем
«ТАВАҶҶУҲИ ҲАКАМОН» БА «ДОВ». Филми Тоҷикистон дар Кинофестивали байналмилалӣ соҳиби ҷоиза гардид
Соли 2022 беш аз 138 ҳазор нафар сайёҳон аз мавзеъҳои таърихию фарҳангии вилояти Суғд дидан карданд
АРҶ МЕГУЗОРЕМ. Дар Бохтар Осорхонаи Ҳунарпешаи халқии Тоҷикистон Аловуддин Абдуллозода таъсис меёбад
«КУРУШИ КАБИР»-ЛОИҲАИ НАВИ БАЛЕТ. Ба наздикӣ он дар Душанбе рӯнамоӣ мегардад
Тоҷикистон ҳуҷҷатҳои дахлдорро барои ба номинаи объектҳои мадании ЮНЕСКО ворид шудани Мамнуъгоҳи «Бешаи палангон» пешниҳод намуд