Мухолифат миёни толибон ба кишварҳои Осиёи Марказӣ таҳдид мекунад
ДУШАНБЕ, 10.11.2022 /АМИТ «Ховар»/. Дар ҳукумати толибон ҳарчӣ бештар мушкилот сар мезанад. Бесалоҳиятии мақомоти нави афғон хатари содироти бесуботиро дар кишварҳои Осиёи Марказӣ дар пай дорад. Дар ин бора Директори маркази зиддитеррористи (МЗТ) ИДМ Евгений Сисоев дар ҷараёни конфронси Сохтори минтақавии зиддитеррористии СҲШ дар Тошканд изҳор дошт, хабар медиҳад хабаргузории русии Sputnik.
Ба гуфтаи ӯ, мухолифат миёни гурӯҳҳои мӯътадил ва радикалии толибон ояндаи наздик боиси он хоҳад шуд, ки ба аъзои ин ҷунбиш зери назорат нигоҳ доштани вазъият дар кишвар хеле душвор мегардад.
Амиқтар шудани ин мухолифат ба бештар гардидани фишорҳои иқтисодӣ ва сиёсии Ғарб мусоидат хоҳад кард, чунин мешуморад Евгений Сисоев. Алалхусус, сухан дар бораи муҳайё кардани шароит барои мустаҳкам намудани гурӯҳи ҷиноии «Шабакаи Ҳоққонӣ»* меравад, ки қисми оштинопазиртарини ҳаракати толибон мебошад.
Ба ғайр аз «душманони дохилӣ» ба ҳукумати толибон инчунин террористони берунии «Давлати исломӣ»* (ДОИШ* ё ДИ*), ки дар шимоли мамлакат ҳарчӣ бештар афзуда истодаанд, таҳдид мекунанд.
Омилҳои дигари хатар, чунин мешуморад Сисоев, ин бад шудани вазъи иқтисодиву иҷтимоии Афғонистон, хуруҷи шумораи зиёди аҳолӣ ба хориҷи кишвар, зиддияти қавмӣ ва иҷтимоӣ, инчунин авҷ гирифтани ҷиноятҳои фаромарзӣ ва қочоқи маводи мухаддир мебошанд.
Тибқи таҳлили Директори МЗТ, дар сурати аз уҳдамаи идораи давлатдорӣ набаромадани ҳукумати толибон қисмати зиёди Афғонистон зери таъсири гурӯҳҳои террористӣ қарор гирифта, таҳти идораи муҷоҳидони маҳаллӣ ва гурӯҳҳои байналмилалии террористӣ қарор хоҳад гирифт.
Ин, дар навбати худ, ба содироти бесуботӣ ба кишварҳои Осиёи Марказӣ, ҳудуди кишварҳои узви ИДМ ва СҲШ оварда мерасонад,-хулоса намуд Сисоев.
_________________
* Ташкилоти террористие, ки дар Тоҷикистон мамнуъ мебошанд
Шаҳлои САДРИДДИН,
АМИТ «Ховар»
АКС: eurasiatoday.ru
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
