ҚОЛИНЕ БО АРЗИШИ СЕСАД ҲАЗОР СОМОНӢ! Имрӯз дар шаҳри Хуҷанд намоиш-фурӯши маҳсулоти Эрон оғоз ёфт
ДУШАНБЕ, 03.11.2022 /АМИТ «Ховар»/. Қолине, ки дар он ҳамаи шоҳони эронинажод ва воқеаҳои таърихии Эрон тасвир ёфтаанд, имрӯз дар намоиш-фурӯши маҳсулоти Эрон дар «Кохи Суғдиён»-и шаҳри Хуҷанд дар доираи баргузории Рӯзҳои фарҳанги Ҷумҳурии Исломии Эрон дар Тоҷикистон бо нархи 300 ҳазор сомонӣ ба фурӯш гузошта мешавад, иттилоъ медиҳад хабарнигори АМИТ «Ховар».
Андозаи қолини мазкур 1,5 ба 3 метр буда, дар он тамоми шоҳони эронинажод бо номҳояшон, лаҳзаҳои муборизаи қаҳрамонон барои ҳифзи сарзамини худ ва дигар лаҳзаҳои таърихи ин давлат тасвир ёфтаанд. Инчунин дар қолин нақше ҷой дода шудааст, ки аз аҳли илму фарҳанг будани гузаштагони ин миллатро шаҳодат медиҳад.
Дар намоиш-фурӯш дар шаҳри Хуҷанд ҳамзамон қолинҳои дигаре ҳастанд, ки нақшҳои ҷолиби ҳаводиси гузашта, имрӯза ва зиндагию табиати нодири сарзамини Эронро бозгӯӣ мекунанд.
Яке аз ҳунарҳои дигаре, ки дар намоиш диққати бештарро ҷалб мекунад, ин заргарист. Дар ин намоиш аз мис ва нуқра ангуштарин, гӯшвор, гарданбанд, дастпона, тӯмор ва амсоли ин барин зеварҳои маъмулии занона пешниҳод гардидаанд, ки бештарашон бо санги фирӯза оро ёфтаанд.
Ҳамчунин дар намоиш маҳсулоти марбут ба ҳунарҳои кулолгарӣ, кандакорӣ, заргарӣ, мисгарӣ, пайкарасозӣ, муқовасозӣ, қолинбофӣ, гулдӯзӣ, хушнависӣ, ресандагӣ, бофандагӣ, либоси миллӣ, миниатюра, китобҳо, аксу мусаввараҳои мавзеъҳои табиӣ ва ёдгориҳои таърихии Ҷумҳурии Исломии Эрон ба тамошо гузошта шудаанд.
Бояд гуфт, ки намоиши мазкур 1 ноябр дар Осорхонаи миллии Тоҷикистон ифтитоҳ гардида буд.
Ёдовар мешавем, ки 31 октябр дар Театри давлатии академии опера ва балети Тоҷикистон ба номи С. Айнӣ Рӯзҳои фарҳанги Ҷумҳурии Исломии Эрон дар Ҷумҳурии Тоҷикистон оғоз гардиданд, ки то 6 ноябр идома меёбанд.
Фирӯза ДАВЛАТЗОДА,
АМИТ «Ховар»
АКС: Осорхонаи миллии Тоҷикистон
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
