«ОРМОНИ МИЛЛАТ: РОҒУН БУЗУРГТАРИН САРБАНДИ АСРИ НАВ». Дар Душанбе китоби нав муаррифӣ гардид
ДУШАНБЕ, 10.11.2022. /АМИТ «Ховар»/. «Ормони миллат: Роғун бузургтарин сарбанди асри нав» (Феҳристи адабиёт) — таҳти чунин унвон ба ифтихори 30- солагии Иҷлосияи таърихии XVI Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон китоби нав ба нашр расид, ки имрӯз дар Китобхонаи миллии Тоҷикистон муаррифӣ гардид, иттилоъ медиҳад мухбири АМИТ «Ховар».
Феҳристи мазкур ҷадидтарин асари библиографиест, ки дар он маводи гуногун, аз ҷумла, номгӯи китобу мақолаҳо аз саҳифаҳои матбуоти дохилӣ ва хориҷии кишвар доир ба НБО «Роғун» мураттаб гардидаанд.
Феҳристи мазкур аз 8 қисм иборат буда, 1644 номгӯй маводи чопӣ ва электронии ба забонҳои тоҷикӣ, русӣ, англисӣ, узбекӣ, украинӣ, эстонӣ, молдавӣ, латишӣ, қирғизӣ интишорёфтаро фаро гирифтааст.
Зимни рӯнамоии асар мушовири бахши Ёрдамчии Прзиденти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеаи Дастгоҳи иҷроияи Президенти Ҷумҳурии Тоҷикистон Муҳиддин Пайшанбезода иброз дошт, ки сохтмони иншооти НБО «Роғун» муҳимтарин рӯйдоди таърихии миллати тоҷик буда, омӯзиши он, ки порае аз фаъолияти пурбаракати Пешвои муаззами миллат аст, аҳамияти бештар касб мекунад.
Ба зикри Директори Китобхонаи миллии Тоҷикистон Ҷумахон Файзализода, феҳристи мазкур бори нахуст дар асоси захираҳои Китобхонаи миллии Тоҷикистон бо дарназардошти ворид шудани нусхаҳои ҳатмӣ, нашрияҳои библиографии Агентии миллии Созмони байналмилалии рақамгузории китоб -Хонаи китоби Тоҷикистон ва сомонаҳои интернетӣ таҳия шуда, маводи чопию электронии солҳои 1968-2020 нашршударо фаро мегирад.
Зарангези ЛАТИФ,
АМИТ «Ховар»
АКС: АМИТ «Ховар»
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
