Сарвари давлат Эмомалӣ Раҳмон бинои иловагии Маркази табобатию солимгардонии «Соҳил»-ро дар шаҳри Гулистон ифтитоҳ карданд

Ноябрь 15, 2022 09:28

ДУШАНБЕ, 15.11.2022 /АМИТ «Ховар»/. 15 ноябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ дар вилояти Суғд дар шаҳри Гулистон бинои иловагии Маркази табобатию солимгардонии “Соҳил”-ро мавриди истифода қарор доданд.

Маркази табобатию солимгардонии “Соҳил” аз тарафи муассис, соҳибкори ватанӣ Абдулло Абдуллоев таъсис дода шудааст.

Иттилоъ дода шуд, ки масоҳати бинои иловагии маркази табобатию солимгардонӣ 1800 метри мураббаъро дар бар гирифта, аз 3 ошёна иборат аст.

Шумораи кормандони Маркази табобатию солимгардонии “Соҳил” 30 нафар буд, акнун бо бунёди бинои нав он ба 45 нафар расид.

Дар бинои нави иловагӣ 15 ҳуҷраи табобатӣ таъсис ёфта, он бо таҷҳизоти замонавӣ, аз қабили фитобочка, барокамера, озонотерапия, карбокситерапия ва табобати зарбавӣ-мавҷи (УВТ) муҷаҳҳаз гардидааст.

Таҷҳизоти муосири тиббӣ асосан аз Федератсияи Россия ворид шудаанд. Дар айни ҳол дар маркази табобатию солимгардонӣ зиёда аз 35 намуди табобат бо истифода аз таҷҳизоти замонавӣ ба роҳ монда шудааст.

Корҳои сохтмонӣ дар бинои иловагӣ аз тарафи корхонаи сохтмонии Ҷамъияти дорои масъулияти маҳдуди “Ариана-Л” моҳи октябри соли 2021 оғоз ёфта, моҳи ноябри соли 2022 ба охир расонида шуданд. Дар ҷараёни корҳои сохтмонӣ 10 нафар сокини маҳаллӣ бо кори муваққатӣ ва маош таъмин гардиданд.

Марҳилаи аввали Маркази табобатию солимгардонии “Соҳил” соли 2010 бо 70 ҳуҷраи хоб ва аз 7 то 10 намуди табобат ташкил шуда буд.

Соли 2017 бинои иловагӣ бо 60 ҳуҷраи хоб ба истифода дода шуда, намуди табобат аз 10 то 25 зиёд карда шуд. Ҳамон вақт шумораи коргарон 30 нафарро ташкил медод.

Баробари бунёди бинои иловагии маркази табобатию солимгардонӣ, ки дар доираи ҳадафҳои созандаи Ҳукумати Ҷумҳурии Тоҷикистон, аз ҷумла ҷиҳати татбиқи тадбирҳои Солҳои рушди деҳот, сайёҳӣ ва ҳунарҳои мардумӣ (2019-2021) амалӣ гардид, 15 ҷои кор таъсис ёфта, 36 ҳуҷраи хоб барои 72 нафар табобатгирандагон бо шароити муосири табобату солимгардонӣ муҳайё карда шуд.

Баъди ифтитоҳи бинои нав ва шиносоӣ бо шароити табобату солимгардонӣ дар он Президенти мамлакат муҳтарам Эмомалӣ Раҳмон ба иқдоми созандаи соҳибкорони ватанӣ баҳои баланд доданд.
Ифтитоҳи Бинои иловагии Маркази табобатию солимгардонии “Соҳил” дар шаҳри Гулистон 15.11.2022

Ноябрь 15, 2022 09:28

Хабарҳои дигари ин бахш

БАДАХШОН-ДАРВОЗАИ ТИЛЛОИИ ТОҶИКИСТОН. Ба истиқболи 35-солагии Истиқлоли давлатӣ бунёди беш аз 1000 иншоот дар назар аст
Бозорҳои ноҳияҳои Ховалингу Мастчоҳ ва Шаҳристон навсозӣ мешаванд
Дар Шаҳринав корхонаи парандапарварӣ барои парвариши 200 ҳазор сар мурғи гӯштдеҳ бунёд карда мешавад
Президенти Ҷумҳурии Тоҷикистон Эмомалӣ Раҳмон Ноиби Президенти Гурӯҳи Бонки исломии рушд оид ба амалиёт доктор Мансур Мухтарро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Арабии Сурия Башар Асад барқияи изҳори тасаллӣ ирсол намуданд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Туркия Реҷеп Тайип Эрдоган барқияи изҳори тасаллӣ ирсол намуданд
Шарҳи фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии кормандони ташкилотҳои буҷетӣ, андозаи нафақа ва стипендия» аз 06.02.2023, №526
Фармони Президенти Ҷумҳурии Тоҷикистон
35-СОЛАГИИ ИСТИҚЛОЛИЯТИ ДАВЛАТӢ. Соҳибкорону саховатпешагони деҳаи Заркамари ноҳияи Қубодиён роҳу мактаб месозанд
Корҳои сохтмонӣ дар бинои нави таълимии Донишгоҳи давлатии Хуҷанд идома доранд
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Хуҷанд Мактаби махсуси варзишӣ оид ба камонварӣ бунёд мегардад
Соли 2022 дар вилояти Суғд беш аз 2,1 ҳазор иншооти таъйиноти гуногун бунёд, таъмир ва навсозӣ гардиданд