Вазири молияи Тоҷикистон дар Форуми дуюми иқтисодии Узбекистон иштирок намуд

Ноябрь 4, 2022 17:28

ДУШАНБЕ, 04.11.2022 /АМИТ «Ховар»/. 3-4 ноябр Вазири молияи Ҷумҳурии Тоҷикистон Файзиддин Қаҳҳорзода дар Форуми дуюми иқтисодии Узбекистон, ки дар шаҳри Самарқанди Ҷумҳурии Узбекистон баргузор шуд, иштирок намуд, хабар доданд ба АМИТ «Ховар» дар Вазорати молия.

Форуми мазкур ба мавзӯъҳои «Нақши бахши хусусӣ дар таъмини рушди иқтисодӣ», «Сиёсати пулию қарзӣ ҳамчун омили калидии таъмини суботи макроиқтисодӣ», «Аҳамияти гузариш ба иқтисоди сабз дар пасманзари тағйирёбии иқлим», «Табдил додани хавфҳои демографӣ ба имконияти сармояи инсонӣ», «Дурнамои рушди инфрасохтор дар Узбекистон» ва ғайра бахшида шуданд.

Дар ҳошияи иштирок дар форум вохӯрии Вазири молия Файзиддин Қаҳҳорзода бо роҳбарони якчанд ташкилоту созмонҳои бонуфузи байналмилалии молиявӣ сурат гирифт. Аз ҷумла, дар рӯзи аввали чорабинӣ бо ноиби Президенти Бонки ҷаҳонӣ хонум Анна Бйерде, дар рӯзи дуюми форум бо ноиби Президенти минтақавии Ташкилоти Байналмилалии Молиявӣ (IFC) дар Шарқи наздик, Осиёи Марказӣ, Туркия, Афғонистон ва Покистон хонум Ҳела Шейхроухӣ, бо Директори минтақавӣ оид ба рушд, молия ва институтҳо дар кишварҳои Аврупо ва Осиёи Марказии Бонки ҷаҳонӣ Лолита Мертӣ, бо муовини Сарвазир – Вазири рушди иқтисод ва паст кардани камбизоатии Ҷумҳурии Узбекистон Ҷамшед Кучкаров ва бо Вазири молияи Ҷумҳурии Узбекистон Тимур Ишметов мулоқотҳо сурат гирифтанд.

Дар вохӯриҳо масъалаи рушди ҳамкории мутақобилан судманд, дарёфти маблағҳои иловагӣ барои маблағгузории лоиҳаҳои афзалиятнок дар соҳаҳои алоҳидаи иқтисодиёти мамлакат, инчунин кумакҳои техникӣ барои татбиқи ислоҳот мавриди баррасии ҷонибҳо қарор дода шуд.

АКС: Вазорати молияи Ҷумҳурии Тоҷикистон

Ноябрь 4, 2022 17:28

Хабарҳои дигари ин бахш

АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид