Завқӣ Завқизода ва Доминик Фавре татбиқи Стратегияи рушди иқтисоди «сабз» дар Тоҷикистонро баррасӣ намуданд
ДУШАНБЕ, 09.11.2022 /АМИТ «Ховар»/. Дирӯз, 8 ноябр вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Директори иҷроияи Гурӯҳи Бонки ҷаҳонӣ Доминик Фавре оид ба кишварҳои Тоҷикистон, Швейтсария, Лаҳистон, Сербия, Озарбойҷон, Қазоқистон, Узбекистон, Туркманистон ва Қирғизистон баргузор гардид, ки дар он Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037 баррасӣ гардид. Дар ин бора ба АМИТ «Ховар» дар вазорати мазкур хабар доданд.
Зимни вохӯрӣ З. Завқизода Доминик Фавреро ба муносибати ба вазифаи Директори иҷроияи Гурӯҳи Бонки ҷаҳонӣ таъйин шуданаш табрик карда, ба ӯ муваффақият орзу намуд.
Зикр гардид, ки Ҷумҳурии Тоҷикистон дастгириҳои Бонки ҷаҳониро ҳамчун шарики рушди боэътимод барои инкишофи соҳаҳои иқтисоди миллӣ муҳим арзёбӣ менамояд.
Дар вохӯрӣ З. Завқизода оид ба нишондиҳандаҳои макроиқтисодии кишвар, иҷрои Ҳадафҳои Рушди Устувор дар Ҷумҳурии Тоҷикистон таҳти таъсири пайомадҳои манфии буҳронҳои глобалию энергетикии имрӯза ва тағйирёбии иқлим маълумот дод.
Вазир ҳамчунин аз ҷониби Бонки ҷаҳонӣ дархост намуд, ки барои бамаротиб зиёд намудани маблағгузории соҳаҳои афзалиятноки иқтисоди миллии Тоҷикистон, нақшаи зиддибуҳронии Ҳукумати ҷумҳурӣ, татбиқи лоиҳаи сохтмони НБО «Роғун», татбиқи Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037, Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2025 ва моделсозию дурнамосозии макроиқтисодӣ мусоидат намояд, ки хуш пазируфта шуд.
Дар анҷоми вохӯрӣ ҷонибҳо омодагии худро барои татбиқи масъалаҳои зикршуда баён намуданд.
АКС: Вазорати рушди иқтисод ва савдои ҶТ
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
