Дар арафаи Соли нави мелодӣ Раиси вилояти Хатлон аз қисми низомӣ дар ноҳияи Кӯшониён боздид намуд
ДУШАНБЕ, 30.12.2022 /АМИТ «Ховар»/. Тибқи дастуру супоришҳои Сарвари мамлакат муҳтарам Эмомалӣ Раҳмон дар арафаи Соли нави мелодӣ Раиси вилояти Хатлон Қурбон Ҳакимзода аз қисми низомӣ дар ноҳияи Кӯшониён боздид ба амал овард. Дар ин бора ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон иттилоъ доданд.
Раиси вилояти Хатлон дар қисми низомӣ бо ҳайати шахсӣ вохӯрда, аз намоиши техникаҳои ҷангию ҷараёни иҷрои хизмат дар сафи Қувваҳои Мусаллаҳ дидан кард.
Қурбон Ҳакимзода зикр намуд, ки имрӯзҳо аз тарафи давлату Ҳукумати Тоҷикистон, Сарвари давлат нисбат ба насли ҷавон ва омода намудани шароити хуби буду боши сарбозону афсарони қисмҳои низоми ғамхориҳои зиёд зоҳир мешаванд. Президенти кишвар дар ҳалли масъалаҳои мустаҳкам намудани иқтидори мудофиавии мамлакат диққати махсус зоҳир намуда, аз рӯзҳои аввали таъсиси Қувваҳои Муссалаҳ онро таҳти назорати доимӣ қарор додаанд. Зеро дар ҳама давру замон артиш пояи устувори давлат ба шумор меравад.
Сипас, Раиси вилоят сарбозони бемореро, ки дар беморхонаи ҳарбии гарнизони Хатлон ба табобат фаро гирифта шудаанд, аёдат намуд. Ҳангоми суҳбат маълум гардид, ки дар ин беморхона сарбозон аз тамоми қисмҳои низомии ҳудуди вилояти Хатлон бистарӣ кунонида мешаванд. Дар ин беморхона тамоми шароити ташхис, табобату пешгирии ҳама гуна бемориҳо муҳайё буда, табибони соҳибкасб пайи беҳдошти ҳифзи саломатии сарбозону афсарон аз тамоми имконият истифода мебаранд.
Ҳамчунин дар ин рӯз дар назди клуби қисми ҳарбӣ маъракаи ниҳолшинонӣ сурат гирифта, зиёда аз 1,5 ҳазор бех гулҳои садбарг ва 1000 бех ниҳолҳои гуногуни олу, зардолу,шафтолу, себ ва ниҳолҳои ҳамешасабз шинонида шуданд.
АКС: шуъбаи иттилоотӣ ва таҳлилии дастгоҳи Раиси вилояти Хатлон
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
Дар Вазорати корҳои дохилии Тоҷикистон бахшида ба Рӯзи Президент ҳамоиши идона доир гардид
САВГАНДИ ҲАРБӢ. Дар қисмҳои ҳарбии Кумитаи ҳолатҳои фавқулода ва мудофиаи гражданӣ маросими қасамёдкунӣ доир шуд
Котиби Шурои амнияти Ҷумҳурии Тоҷикистон бо Сафири Ҳиндустон мулоқот намуд
