Дар Бохтар корхонаи истеҳсоли гӯгирд ба фаъолият шурӯъ менамояд
ДУШАНБЕ, 16.12.2022. /АМИТ «Ховар»/. Дар минтақаи саноатии шаҳри Бохтар корхонаи истеҳсоли гўгирд ба фаъолият оғоз менамояд. Коргоҳи мазкур аз ҷониби соҳибкори ватанӣ Марҳамат Давронова бунёд шуда, дар он 40 нафар сокини маҳаллӣ бо ҷойи кори доимӣ ва маоши хуб таъмин мегарданд. Маҳсулоти истеҳсолӣ аз лиҳози намуд ва сифат ба меъёрҳои байналмилалӣ ҷавобгӯ буда, корхона тибқи нақша дар як шабонарӯз 300 қуттии калони гӯгирд истеҳсол мекунад. Иқдори солонаи корхона 110 ҳазор дона қуттии калон буда, бо дарназардошти талаботи бозор имконияти аз ин ҳам бештар истеҳсол кардани маҳсулот мавҷуд мебошад, хабар доданд ба АМИТ «Ховар» дар Мақомоти иҷроияи ҳокимияти давлатии вилояти Хатлон.
Раиси вилояти Хатлон Қурбон Ҳакимзода бо ҷараёни корҳои сохтмонӣ ва насби таҷҳизот дар корхонаи истеҳсоли гӯгирд аз наздик шинос шуд. Масъулин иттилоъ доданд, ки фаъолияти корхона дар як баст ба роҳ монда шуда, дар он ду хати муосиртарини технологӣ аз Федератсияи Россия ва Ҷумҳурии Мардумии Чин дастрас ва васлу насб карда шудааст. Барои истеҳсоли гӯгирд ашёи хом аз Федератсияи Россия ва дигар давлатҳои хориҷӣ ворид мегардад.
Ёдовар мешавем, ки ин аввалин корхонаи нави саноатӣ дар шаҳри Бохтар аст, ки ба истеҳсоли гӯгирд шурӯъ мекунад. Корхона дар раванди истеҳсолот ба сифати маҳсулот диққати ҷиддӣ дода, бо таъмини бозорҳои дохилӣ, содироти гӯгирдро ба хориҷи кишвар низ ба роҳ мемонад.
Бояд тазаккур дод, ки дар минтақаи саноатии шаҳри Бохтар барои бунёди корхонаҳои хурду бузурги истеҳсолӣ инфрасохтори зарурӣ, аз қабили роҳҳои мумфарш, хатҳои интиқоли қувваи барқ, шабакаи обу корез ва дигар шароити лозима фароҳам мебошад.
АКС: Мақомоти иҷроияи ҳокимияти давлатии вилояти Хатлон
ИЛОҶИ ВОҚЕА-ПЕШ АЗ ВУҚУЪ. Дар Тоҷикистон майдони тухмгузории малах муайян карда шуд
Дар шаҳри Турсунзода беш аз 6 ҳазор бех ниҳол шинонида шуд
Дар рӯзҳои Ҷашни байналмилалии Наврӯз қатораи байналмилалии сайёҳии «Jibek Joly» («Роҳи Абрешим») ба Душанбе мерасад
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Роҳбарони роҳи оҳани Тоҷикистон ва Қазоқистон оид ба рушди долонҳои нақлиётӣ ба мувофиқа расиданд
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
