Дар Донишкадаи кӯҳию металлургии Тоҷикистон китобхонаи электронӣ бо 100 ҳазор адабиёт ба истифода дода шуд
ДУШАНБЕ, 10.12.2022 /АМИТ «Ховар»/. 9 декабр бахшида ба Рӯзи геологияи тоҷик дар Донишкадаи кӯҳию металлургии Тоҷикистон китобхонаи электронӣ бо 100 ҳазор адабиёт ба истифода дода шуд, хабар доданд ба АМИТ «Ховар» дар донишкадаи мазкур.
Дар толори барҳавои китобхонаи электронии донишкада беш аз 60 компютери насли нав насб гардида, бо хатти интернет пайваст мебошанд. Фонди китобхонаи электронӣ пайваста зиёд гардида, дар соли таҳсили 2022-2023 бар асоси ҳамкории судманд бо китобхонаи шаҳрии ба номи А. Лоҳутии шаҳри Душанбе ба фонди китобхона қариб 20 ҳазор номгӯй китобҳои гуногуни электронӣ ворид карда шуданд. Ҳаҷми умумии китобҳои электронӣ дар хазина қариб ба 100 ҳазор баробар гардид. Дар назар аст, ки чунин табодули китоб бо дигар муассисаҳои вилоятиву ҷумҳуриявӣ ва байналмилалӣ сурат бигирад.
Зимни ифтитоҳи ин толор Ректори донишкада Бахтиёр Маҳмадалӣ иброз дошт, ки «тавассути китоб мо метавонем донишҳои худро мукаммал намуда, ба дарки арзишҳои олӣ, пос доштани хотироти ниёгони худ, таърихи давлатдорӣ ва худшиносиву худогоҳӣ бирасем. Ҷойи шубҳа нест, ки бо тағйири асри нав ва фароҳам гардидани имконияти технологияи навин насли замони мо низ ба он одат намудааст ва рӯз аз рӯз талаботаш ҳам вобаста ба шароити муосир тағйир меёбад. Ҳамин аст, ки Донишкадаи кӯҳию металлургии Тоҷикистон ин ҳамаро ба инобат гирифта, китобхонаи электронии донишкадаро таъсис дод, то битавонем донишҷӯёни худро ба китобу китобхонӣ ва азбаркунии илмҳо ҷалб намоем».
Бояд гуфт, ки китобхонаи электронии Донишкадаи кӯҳию металлургӣ барномае омода кардааст, ки имкон медиҳад, то донишҷӯён дар дилхоҳ ҷой бо истифода аз рамзи ягонаи худ вориди китобхонаи электронӣ гардида, адабиёти заруриро зеркашӣ намоянд.
АКС: Донишкадаи кӯҳию металлургии Тоҷикистон
Дастаи Тоҷикистон дар Олимпиадаи байналмилалии математикии Ангкор дар Камбоҷа 51 медал ба даст овард
Доир ба муаммо ва дурнамои илми методикаи таълим дар раванди ҷаҳонишавӣ конференсия баргузор шуд
Дар Тоҷикистон Маркази омодагӣ ва имтиҳони HSK таъсис дода мешавад
Дар Донишгоҳи давлатии Кӯлоб оид ба маърифати молиявии аҳолӣ конференсияи байналмилалӣ баргузор шуд
Густариши ҳамкорӣ байни Донишгоҳи технологии Тоҷикистон ва Донишгоҳи Ҳериот-Ватти Шотландия баррасӣ гардид
Вазири маориф ва илм дар конференсияи байналмилалӣ оид ба масъалаҳои мубрами таҳсилоти фарогир иштирок намуд
Дар муассисаҳои таҳсилоти олии Федератсияи Русия зиёда аз 27 ҳазор донишҷӯёни тоҷик таҳсил доранд
Донишгоҳи байналмилалии сайёҳӣ ва соҳибкории Тоҷикистон дар баҳогузории ҷаҳонии «Донишгоҳҳои сабз» иштирок намуд
Вазири маориф ва илм дар ҷаласаи навбатии Шурои директорони Шарикии глобалӣ дар соҳаи маориф иштирок намуд
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
