Дар Швейтсария зарфияти минтақаҳои озоди иқтисодии Тоҷикистон баррасӣ гардид
ДУШАНБЕ, 15.12.2022 /АМИТ «Ховар»/. 14 декабр дар шаҳри Женеваи Конфедератсияи Швейтсария дар ҳошияи «Саммити ҳамкории самаранок барои рушд 2022» мулоқоти муовини Вазири рушди иқтисод ва савдо Абдураҳмон Абдураҳмонзода бо Котиби давлатии Вазорати банақшагирии рушди Индонезия Тауфик Ханафӣ баргузор гардид, ки зимни он зарфияти минтақаҳои озоди иқтисодии Тоҷикистон ва ҷалби сармоя баррасӣ гардид. Дар ин бора ба АМИТ «Ховар» дар Вазорати мазкур хабар доданд.
Зимни вохӯрӣ ҷонибҳо перомуни густариши муносибатҳои дуҷониба дар самтҳои иқтисоду тиҷорат, ҷалби сармоя ва дигар масъалаҳои мавриди эҳтимоми тарафайн табодули афкор намуда, таъкид доштанд, ки Ҷумҳурии Тоҷикистон ва Ҷумҳурии Индонезия бобати таҳким ва тавсеаи бештари робитаҳо дар арсаҳои гуногун имконияти фаровон доранд.
Инчунин дар ҷараёни вохӯрӣ аз тарафи муовини вазир зарфияти минтақаҳои озоди иқтисодии Тоҷикистон манзур гардида, дар ин радиф ба ҷалби бештари сармоя даъват ба амал оварда шуд.
Дар фарҷом ҷонибҳо омодагии худро барои рушди ҳамкорӣ дар самтҳои зикргардида иброз намуда, ба мувофиқа омаданд, ки дар фурсати наздиктарин барои муаррифии имконияти кишварҳо дар шакли видеоконфронс вохӯрӣ баргузор намоянд.
АКС: Вазорати рушди иқтисод ва савдои ҶТ
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
