Дар Театри давлатии академии Лоҳутӣ директори нав таъйин гардид
ДУШАНБЕ, 28.12.2022. /АМИТ «Ховар»/. Бо фармони Вазири фарҳанги Ҷумҳурии Тоҷикистон директори нави Театри давлатии академии драмавии Точикистон ба номи А.Лохутӣ Абдукарим Машраб таъйин гардида, дар ин мақом Лутфулло Давлатзодаро иваз кард. Дар ин бора мухбири АМИТ «Ховар» хабар медиҳад.
Лутфулло Давлатзода 20 декабри соли 1958 таваллуд шудааст. Соли 1979 Донишкадаи давлатии санъати ба номи Мирзо Турсунзодаро хатм ва чанд муддат дар Театри мусиқӣ-драмавии шаҳри Конибодом кор кардааст.
Баъди адои хизмати ҳарбӣ аз соли 1981 ба ҳайси ҳунарпешаи Театри давлатии академии драмавии Лоҳутӣ фаъолият карда, солҳои 2004-2009 сармуҳаррири идораи мусиқии Телевизиони Тоҷикистон буд.
То таъйин шудан ба вазифаи директори театр 6 сол ба ҳайси директори телевизиони «Сафина» кор кардааст. Аз соли 2015 инҷониб директори Театри давлатии академии драмавии Лоҳутӣ буд.
Абдукарим Машраб соли 1983 таваллуд шудааст. Ӯ Донишкадаи давлатии фарҳанг ва санъати Тоҷикистон ба номи М.Турсунзодаро хатм ва дар Театри давлатии академии драмавии Лоҳутӣ кор кардааст.
Ӯ ҳунарпешаи маъруфи театр ва киност. Падараш- Ибодулло Машраб ҳунарпеша ва коргардони шинохта, Ҳунарпешаи мардумии Тоҷикистон, дорандаи Ҷоизаи давлатии ба номи Абӯабдуллоҳи Рӯдакӣ ва «Ситораҳои Иттиҳод» мебошад.
Ёдовар мешавем, ки бо фармони Вазири фарҳанги ҷумҳурӣ Мавҷуда Саидова сардабири нави маҷаллаи занон «Фирӯза» (нашриёти Вазорати фарҳанги Ҷумҳурии Тоҷикистон) таъйин шуд.
Қаблан бо қарори иҷлосияи Маҷлиси вакилони халқи шаҳри Бохтар ба Кохи фарҳанг ва Маркази иттилоотии шаҳри Бохтар номи собиқ роҳбари бадеии театр ва сардори Раёсати фарҳанги вилояти Хатлон, Ҳунарпешаи халқии Тоҷикистон Аловуддин Абдуллозода, ки 17 феврали соли 2022 даргузашт, гузошта шуд.
Зарангези ЛАТИФ,
АМИТ «Ховар»
АКС: АМИТ «Ховар»
Доир ба татбиқи ҳадафи чоруми стратегии Ҳукумати Тоҷикистон конференсияи ҷумҳуриявӣ баргузор шуд
Дар Душанбе таҳти унвони «Забон — рукни муҳими Ваҳдати миллӣ» конфронси ҷумҳуриявӣ доир гардид
Дар Тоҷикистон сеюмин Синамоҷашнвораи миллии «Тоҷи Сомон» доир мешавад
Имрӯз даври дуюми Озмуни ҷумҳуриявии «Тоҷикистон-Ватани азизи ман» оғоз шуд
Дар Тоҷикистон Фестивали якуми байналмилалии санъати сирк доир мегардад
«ЭМОМАЛӢ РАҲМОН – БУНЁДГУЗОРИ ВАҲДАТИ МИЛЛӢ». Дар Душанбе конфренсияи илмӣ-амалӣ доир шуд
Дар Душанбе Рӯзи фарҳанги ноҳияи Ҷалолиддини Балхӣ доир шуд
Дар Душанбе Рӯзи фарҳанги ноҳияи Бобоҷон Ғафуров баргузор гардид
Имрӯз дар шаҳри Душанбе Рӯзи фарҳанги ноҳияи Мир Сайид Алии Ҳамадонӣ доир шуд
Озмуни ҷумҳуриявии «Беҳтарин китобхон» доир мегардад
Имрӯз дар Душанбе Рӯзҳои фарҳанги ноҳияҳои Бобоҷон Ғафуров, Ҷалолиддини Балхӣ ва Мир Сайид Алии Ҳамадонӣ баргузор мешаванд
Рӯзи фарҳанги шаҳри Исфара дар Душанбе доир шуд
